CƏMİYYƏT
Cəmiyyətin həyatında baş verən aktual hadisələr

USAID-in Azərbaycan üzrə yeni missiya direktoru vəzifələrinin icrasına başlayıb

© AFP 2023 / JUSTIN SULLIVANƏlində portfel olan şəxs, arxiv şəkli
Əlində portfel olan şəxs, arxiv şəkli - Sputnik Azərbaycan, 1920, 08.09.2022
Abunə olmaq
M.Nirbas USAID-in inkişaf proqramlarının uğurlarına əsaslanaraq Azərbaycan hökuməti, donor icması, özəl sektor və vətəndaş cəmiyyəti ilə tərəfdaşlığı gücləndirməyi səbirsizliklə gözlədiyini bildirib
BAKI, 8 sentyabr — Sputnik. Maykl Nirbas (Michael Nehrbass) ABŞ Beynəlxalq İnkişaf Agentliyinin (USAID) Azərbaycan üzrə missiyasının yeni direktoru qismində öz vəzifələrini icra etməyə başlayıb.
Təşkilatdan verilən məlumata görə, bu vəzifəyə təyin olunmazdan əvvəl, M.Nirbas Pakistanda missiya direktorunun müavini vəzifəsində çalışıb. USAID/Pakistan-a qoşulmazdan əvvəl o, USAID/İraq üçün sabitləşmə, iqtisadi artım, demokratiya və idarəetmə fəaliyyətlərinə nəzarət edib. Cənab Nirbas 2001-ci ildə USAID-də Xarici Xidmət əməkdaşı kimi işə başlayıb. O, Əfqanıstan, Anqola, Gürcüstan, Qvatemala, İndoneziya, İraqda və USAID-in Vaşinqtondakı Afrika Bürosunda xidmət edib.
M.Nirbas Milli Müharibə Kollecində Milli Təhlükəsizlik Strategiyası üzrə magistr dərəcəsi, Con Hopkins Universitetinin Qabaqcıl Beynəlxalq Araşdırmalar Məktəbində beynəlxalq münasibətlər üzrə magistr dərəcəsi və Berkli Kaliforniya Universitetində folklor üzrə bakalavr dərəcəsinə malikdir.
Azərbaycan üzrə missiya direktoru kimi M.Nirbas Azərbaycanın prioritetlərini dəstəkləmək üçün USAID proqramlarına nəzarət edəcək.
Xəbər lenti
0