Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Azərbaycana turist axını nə qədər olub?

© Sputnik / Murad OrujovBakıda ərəb turistlər, arxiv şəkli
Bakıda ərəb turistlər, arxiv şəkli - Sputnik Azərbaycan, 1920, 08.09.2022
Abunə olmaq
Azərbaycanı seçən ziyarətçilərin 25,3%-i Yaxın Şərq ölkələrini, 25%-i Rusiyanı, 14%-i Asiya ölkələrini və Türkiyəni, 7%-i Avropa ölkələrini, 8,4%-i İranı, 4,4%-i Gürcüstanı, 1,7%-i isə digər regionları təmsil edib
BAKI, 8 sentyabr — Sputnik. Bu ilin yanvar-avqust aylarında Azərbaycana 1 004,1 min nəfər, təkcə avqust ayında isə 172 min nəfər turist gəlib.
Bu barədə "Report"a Dövlət Turizm Agentliyindən bildirilib.
Məlumata görə, bunlar ötən ilin eyni dövrü ilə müqayisədə müvafiq olaraq 2,3 dəfə və 2,2 dəfə çoxdu.
Ötən ay ölkəmizə ən çox Rusiya, Türkiyə və Səudiyyə Ərəbistanından turistlər gəliblər. Bu ölkələr üzrə gələn turist sayı müvafiq olaraq 43 min, 24,2 min və 22,8 min nəfər olub.
Bundan əlavə İrandan 14,4 min, Gürcüstandan 7,6 min, Pakistandan 6,9 min, Hindistandan 5,7 min, Birləşmiş Ərəb Əmirliklərindən (BƏƏ) 4,7 min, Küveytdən 4,4 min, Omandan 4 min, İsraildən 3,8 min, Qazaxıstandan 3,7 min, Özbəkistandan 3,5 min, Belarusdan 2,3 min və Ukraynadan 2 min əcnəbi ölkəmizə gəlib.
Azərbaycanı seçən ziyarətçilərin 25,3%-i Yaxın Şərq ölkələrini, 25%-i Rusiyanı, 14%-i Asiya ölkələrini və Türkiyəni, 7%-i Avropa ölkələrini, 8,4%-i İranı, 4,4%-i Gürcüstanı, 1,7%-i isə digər regionları təmsil edib.
Xəbər lenti
0