Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Səhiyyə Nazirliyi: "Koronavirusa yoluxmuş şəxslər qan donoru ola bilərlər"

© Sputnik / Murad OrujovQanvermə aksiyası
Qanvermə aksiyası - Sputnik Azərbaycan, 1920, 05.09.2022
Xəbərlərə abunə olun
НовостиTelegram
Səhiyyə Nazirliyinin mütəxəssis-eksperti bildirib ki, COVID-19 pandemiyası müddətində qan donorlarının miqdarında ciddi azalma yaşanmasına baxmayaraq, qısa müddətdə bu problem aradan qalxıb.
BAKI, 5 sentyabr — Sputnik. "Qan azlığı xəstəlik deyil, sadəcə bir əlamətdir. Dəmir, B12 vitamini, fol turşusu kimi metabolik maddələrin çatışmazlığına bağlı olan anemiyalar sıx görülməklə birlikdə, qaraciyər və böyrək xəstəlikləri kimi sistemik səbəblər, sümük iliyi problemləri də anemiyaya səbəb ola bilər". Bunu Səhiyyə Nazirliyinin mütəxəssis-eksperti Təhməz Həziyev deyib.
O bildirib ki, COVID-19 infeksiyası keçirən insanda qan azlığının nədən yarandığını müəyyənləşdirmək olduqca önəmlidir:
"Koronavirus infeksiyası respirator sisteminə (xüsusən alt tənəffüs yollarına) ciddi şəkildə təsir etdiyindən anemiyası olan xəstələrdə tənəffüs çatışmazlığı müşahidə olunur. COVID-19-un bilavasitə hematopoetik sistemə təsir nəticəsində anemiya ortaya çıxır. Koronavirusa yoluxanların 60 faizində anemiya müəyyən edilib".
© Sputnik / Murad OrujovKoronavirusa qarşı peyvənd vurulmasında dair sertifikat, arxiv şəkli
Koronavirusa qarşı peyvənd vurulmasında dair sertifikat, arxiv şəkli - Sputnik Azərbaycan, 1920, 05.09.2022
Koronavirusa qarşı peyvənd vurulmasında dair sertifikat, arxiv şəkli
Təhməz Həziyev qeyd edib ki, COVID-19 pandemiyası müddətində qan donorlarının miqdarında ciddi azalma yaşanmasına baxmayaraq, qısa müddətdə bu problem aradan qalxıb:

"İnfeksiya simptomsuz şəkildə keçibsə, müəyyən müddətdən sonra koronavirusa yoluxmuş şəxslər qan donoru ola bilərlər. Əgər infeksiyanın simptomları ortaya çıxıbsa, o zaman simptomlar tam keçdikdən 14 gün sonra qan donoru olmaq mümkündür".

Onun sözlərinə görə, koronavirus infeksiyası insan orqanizminin laxtalanma sistemində dəyişikliyə səbəb ola bilər: "Trombotik ağırlaşmalar xüsusən də xəstəliyi ağır keçirən şəxslərdə rast gəlinir. Bu ağırlaşmalara miokard infarktı, işemik insult, arterial və venoz tromboemboliya daxildir. Ağırlaşmaların diaqnostikasını təyin etmək üçün radioloji diaqnostika və laborator testlər vacibdir. COVID-19 səbəbindən hospitalizasiya olunmuş şəxslərdə simptomatik venoz tromoembolizm ortaya çıxma nisbəti təxminən 10 faizdir. Təəssüf ki, COVID-19 yoluxub sağalanlarda bəzən qan xəstəlikləri ortaya çıxır. Belə ki, tromboz keçirmiş insanlarda müvafiq orqan disfunksiyası yaranır. Bundan əlavə, miokard infarktı keçirmişlərdə ürək çatışmazlığı, pulmonar (ağciyər) emboliya olanlarda tənəffüs çatışmazlığı, həmçinin artmış pulmonar hipertenziya, işemik beyin insultu keçirmiş insanlar zehni və fiziki iş görən zaman çətinliklərlə üzləşirlər".
Xəbər lenti
0