Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

İlham Əliyev Özbəkistanın Müstəqillik Günü münasibətilə həmkarını təbrik edib

© Official website of President of Azerbaijan Republic Azərbaycan Prezidenti İlham Əliyev və Özbəkistan Prezidenti Şavkat Mirziyoyev
Azərbaycan Prezidenti İlham Əliyev və Özbəkistan Prezidenti Şavkat Mirziyoyev - Sputnik Azərbaycan, 1920, 01.09.2022
Xəbərlərə abunə olun
НовостиTelegram
Dövlət başçısı məktubunda Azərbaycan-Özbəkistan dövlətlərarası əlaqələrinin xalqlarımızın qardaşlığından, tarixi dostluğundan və ortaq mədəni köklərə bağlılığından qaynaqlandığını qeyd edir.
BAKI, 1 sentyabr — Sputnik. Azərbaycan Prezidenti İlham Əliyev Özbəkistanın milli bayramı – Müstəqillik Günü münasibətilə özbəkistanlı həmkarı Şavkat Mirziyoyevə təbrik məktubu göndərib.
Məktubda qardaş Özbəkistanın Şavkat Mirziyoyevin rəhbərliyi ilə böyük inkişaf yolu keçdiyi, dövlətçiliyin möhkəmləndirilməsinin, ölkənin sosial-iqtisadi yüksəlişinin, dünya miqyasında nüfuzunun gündən-günə artmasının onun liderliyi, müdrik və uzaqgörən siyasəti nəticəsində mümkün olduğu vurğulanır.
Prezident məktubunda Azərbaycan-Özbəkistan dövlətlərarası əlaqələrinin xalqlarımızın qardaşlığından, tarixi dostluğundan və ortaq mədəni köklərə bağlılığından qaynaqlandığını qeyd edir. Diqqətə çatdırılır ki, bu xoş ənənələr və möhkəm təməllər üzərində qurulan çoxşaxəli əməkdaşlığımızın, qarşılıqlı inam və etimada əsaslanan strateji tərəfdaşlığımızın bu gün müvəffəqiyyətlə inkişaf etməsi və genişlənməsi məmnunluq doğurur.
Eyni zamanda beynəlxalq təsisatlar çərçivəsində uğurlu işbirliyimizi və qarşılıqlı dəstəyimizi xüsusi qeyd edən dövlətimizin başçısı əmin olduğunu bildirir ki, Azərbaycan ilə Özbəkistan arasında ənənəvi dostluq əlaqələri və qarşılıqlı maraq doğuran əməkdaşlıq xalqlarımızın mənafelərinə uyğun olaraq birgə səylərimizlə bundan sonra da yüksələn xətt üzrə inkişaf edəcək və daha da dərinləşəcək.
Xəbər lenti
0