Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Xəzərdə fəlakət: dəniz kilometrlərlə geri çəkilib - VİDEO

© AFP 2022 / BEHROUZ MEHRIXəzər
Xəzər - Sputnik Azərbaycan, 1920, 31.08.2022
Xəbərlərə abunə olun
НовостиTelegram
Xəzər dənizinin Qazaxıstan sahillərində vəziyyət çox acınacaqlıdır, Azərbaycan sahillərində də ürəkaçan deyil.
BAKI, 31 avqust — Sputnik. Xəzər dənizinin Qazaxıstan sahillərində su kilometrlərlə geri çəkilib.
Bu barədə sosial şəbəkədə video və məlumatlar yayılıb.
Sözügedən videolarda dənizin kilometrlərlə geri çəkildiyi və yüzlərlə balığın öldüyü görünür.
Xatırladaq ki, ötən ay AMEA-nın akademiki Fəxrəddin Qədirov "İqlim dəyişmələri şəraitində Xəzər dənizinin səviyyə tərəddüdləri, proqnoz və uyğunlaşma tədbirləri" mövzusunda keçirilən beynəlxalq konfransda çıxışı zamanı qeyd edib ki, 100 il əvvəl Xəzərin səviyyəsi indikinə nisbətən 2 metr yüksək olub.
Akademik vurğulayıb ki, 2005-ci ildən etibarən hər il səviyyə 10 sm enir:
"XX əsrin 30-cu illərində səviyyə 1,5 metr aşağı enib, 1978-1995-ci illər arasında 2,7 metr yüksəlmə baş verib. 2005-ci ildən başlayaraq isə ildə səviyyə 10 sm enməkdədir. Bu dəyişmə 25-30 il davam edərsə, Xəzərin Şimal-Şərq hissəsi Aral dənizinin aqibəti ilə rastlaşa bilər. Xəzər dənizinin səviyyə dəyişmələrində müəyyən zaman intervallarında trendlər müşahidə olunsa da, bunların üzərində fluktuasiya dəyişmələri də müşahidə edilir".
Son günlər Xəzərin Azərbaycan sahillərində də dənizin bir neçə metr geri çəkildiyi müşahidə edilir. Bakı və Abşeron sahillərində ötən gün dənizin 10 metrdən çox qədər geri çəkildiyi müşahidə edilib.
Xəbər lenti
0