DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Roma Papası Rusiyaya görə Zelenskidən narazıdır - İtaliya mediası

© AP Photo / John LocherRoma Papası Fransisk, arxiv şəkli
Roma Papası Fransisk, arxiv şəkli - Sputnik Azərbaycan, 1920, 25.08.2022
Abunə olmaq
Qeyd olunur ki, Zelenski Fransiskə təzyiq göstərməkdə davam edir, onu Kiyevə getməyə məcbur etməyə çalışır. Papa isə Ukraynanın paytaxtına səfər etmək istəmir.
BAKI, 25 avqust — Sputnik. Ukrayna rəhbəri Vladimir Zelenskinin Kiyevə dəstək məsələsində Roma papası Fransiskə təzyiqi pontifikdə narazılıq yaradıb. Bunu Vatikan üzrə ekspert, "IL Fatto Quotidiano"nun jurnalisti Marko Politi bildirib.
O, Ukrayna prezidenti Zelenski ilə Fransisk arasında sonuncu telefon danışığından sonra Ukrayna prezidenti Kiyevin Rusiya haqqında mənfi məlumat yaymaq üçün dini liderlərin köməyinə ehtiyacı olduğu barədə özünün Tvitter hesabında yazdığını xatırladıb.
"Bu tvit Roma papası Fransisk və Kiyev siyasətinin fərqli tərəflərdə olduğunu mükəmməl şəkildə göstərir. Papaya nə edəcəyini söylədikdə, həmçinin, ukraynalılar və ruslar arasında sülh ideyasını təbliğ edildiyi üçün Ukrayna hakimiyyətinin papanın yürüşünün televiziya yayımına senzura tətbiq etməsi faktı Vatikanın xoşuna gəlmir", - deyə Politi izah edib.
Jurnalist qeyd edib ki, Zelenski Fransiskə təzyiq göstərməkdə davam edir, onu Kiyevə getməyə məcbur etməyə çalışır. Lakin Papa Moskvaya getmədən Ukrayna paytaxtına səfər etmək istəmir. Politi bildirib ki, bu pərdəarxası mübarizə aylardır davam edir.
Qeyd olunur ki, dini lider Zelenskinin siyasi xəttini bölüşmür və Ukraynadakı vəziyyətlə bağlı Avro-Atlantik mövqeyini tam dəstəkləyərək "Qərbin xidmətçisi" olmağa hazır deyil. Ekspertin fikrincə, Vatikanda belə bir fikir var ki, "Zelenski papanı Kiyevin günahsız qurban kimi təqdim edildiyi, Rusiyanın imici isə şeytanlaşdırıldığı narrativə sürükləmək istəyir".
Mütəxəssis izah edib ki, Fransis bu mövqeyi bölüşmür, çünki bu mövqe, Ukraynada mövcud vəziyyətə gətirib çıxaran əvvəlki hadisələri nəzərə almır. Ekspert hesab edir ki, NATO və Aİ NATO-nun Şərqə doğru genişlənməsinin nəticələrini təhlil etmək və mümkün nüvə müharibəsi risklərini əsaslı şəkildə qiymətləndirmək istəmir.
Xəbər lenti
0