Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Kənd sakinləri turistləri niyə Lazaya buraxmadı? Rəsmi açıqlama

CC BY-SA 4.0 / Interfase / LazaQəbələnin Laza kəndin
Qəbələnin Laza kəndin - Sputnik Azərbaycan, 1920, 15.08.2022
Xəbərlərə abunə olun
НовостиTelegram
Laza kənd icra nümayəndəsi Nazim Cənnətəliyev kənd sakinləri ilə turistlər arasında yaranmış münaqişəyə aydınlıq gətirib.
BAKI, 15 avqust — Sputnik. Sosial şəbəkələrdə Qəbələnin Laza kəndində yerli sakinlərin yolu bağlayaraq turistləri kəndə buraxmamasını əks etdirən görüntülər yayılıb.
Sputnik Azərbaycan-a bu barədə açıqlama verən Laza kənd icra nümayəndəsi Nazim Cənnətəliyev kənd sakinləri ilə turistlər arasında yaranmış münaqişəyə aydınlıq gətirib. O bildirib ki, sakinlər turistlərin kəndə avtomobillə daxil olmasına etiraz ediblər:
"Söhbət turistləri kəndə buraxmamaqdan getmir. Turistlər kəndə buraxılıb, sadəcə yerli sakinlər maşınların kəndə daxil olmasına etiraz ediblər. Çünki kəndin yolu olduqca dardır. Kənd sakinləri də turistlərdən xahiş edib ki, avtomobilləri kəndin girişində saxlayıb piyada gəzsinlər. Yola eyni anda bir neçə maşın girəndə tıxac yaranır. Bu da kənd sakinlər üçün narahatlıq yaradır. Anlaşılmazlıq tez bir vaxtda aradan qalxıb".
Xatırladaq ki, kənd sakinlərinin etirazından sonra əraziyə Yol Patrul Xidmətinin (YPX) əməkdaşları cəlb olunub.
Xəbər lenti
0