Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

XİN rəhbərlərinin görüşündə Ermənistanın qeyri-konstruktiv siyasətindən danışıldı

© Sputnik / Murad OrujovCeyhun Bayramov
Ceyhun Bayramov  - Sputnik Azərbaycan, 1920, 10.08.2022
Xəbərlərə abunə olun
НовостиTelegram
Azərbaycanın xarici işlər naziri Ceyhun Bayramov əlcəzairli həmkarı ilə görüşündə keçmiş məcburi köçkünlərin Qarabağa qayıtması barədə həmkarını məlumatlandırıb.
BAKI, 10 avqust — Sputnik. "Regiondakı son durum, postmünaqişə dövründə Azərbaycanın gördüyü işlər barədə həmkarımı məlumatlandırdım".
Bunu Azərbaycanın xarici işlər naziri Ceyhun Bayramov Əlcəzairin xarici işlər və xaricdəki milli icma naziri, Prezident Abdelməcid Tebbunun xüsusi nümayəndəsi Ramtan Lamamranla birlikdə keçirdiyi brifinqdə deyib.
"Yenidənqurma işləri, keçmiş məcburi köçkünlərin Qarabağa qayıtması barədə həmkarımı məlumatlandırdım. Ötən ay ilk məcburi köçkünlərimizin işğaldan azad edilmiş Zəngilan rayonunun Ağalı kəndinə qayıtması baş tutdu. Hesab edirəm ki, bu, böyük qayıdışın başlanğıcıdır", - deyə o bildirib.
Eyni zamanda Ceyhun Bayramov əlcəzairli həmkarını Azərbaycanla Ermənistan arasında davam edən proseslər, o cümlədən Ermənistanın tərəfinin qeyri-konstruktiv siyasəti barədə məlumatlandırıb.
XİN başçısı həmçinin ərazidə baş tutan minatəmizləmə işlərindən də danışıb. Azərbaycan xarici işlər naziri Ceyhun Bayramov və Əlcəzairin xarici işlər və xaricdəki milli icma naziri, Prezident Abdelməcid Tebbunun xüsusi nümayəndəsi Ramtan Lamamranın təkbətək görüşüb. Daha sonra nümayəndə heyətlərinin iştirakı ilə geniştərkibli görüş keçirilib.(Report)
Xəbər lenti
0