https://sputnik.az/20220810/xaricde-tehsil-alacaq-sexslerin-ilk-siyahisi-tesdiqlenib--444598102.html
Xaricdə təhsil alacaq şəxslərin ilk siyahısı təsdiqlənib
Xaricdə təhsil alacaq şəxslərin ilk siyahısı təsdiqlənib
Sputnik Azərbaycan
Dövlət Proqramının illik hədəf göstəricisində 400 təqaüdün verilməsini nəzərə alaraq 10-25 avqustda yenidən sənəd qəbulu elan olunur 10.08.2022, Sputnik Azərbaycan
2022-08-10T12:12+0400
2022-08-10T12:12+0400
2022-08-10T12:12+0400
azərbaycan
təhsil
dövlət proqramı
elm və təhsil nazirliyi
təqaüd
https://cdnn1.img.sputnik.az/img/41181/16/411811669_0:181:3071:1908_1920x0_80_0_0_bad9e917f2698e359423286b93a24344.jpg
BAKI, 10 avqust — Sputnik. "Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı"na ilk qəbul prosesinin nəticələri müəyyən olunub. Elm və Təhsil Nazirliyindən bildirilib ki, Dövlət Proqramına dünyanın 30 ölkəsinə aid 15 prioritet ixtisas sahəsi üzrə 673 nəfər müraciət edib.Müsabiqənin ilkin nəticələrinə əsasən, 80 namizəd bakalavriat səviyyəsi, 149 namizəd isə magistratura səviyyəsi üzrə müvafiq seçim qaydalarına aid meyarlara uyğun olaraq Dövlət Proqramına qəbul olub və proqram iştirakçısı adını qazanıb.Müsabiqə üzrə digər nəticələrin növbəti həftələrdə ictimaiyyətə açıqlanması nəzərdə tutulur. Proqram iştirakçılarının ən çox müraciət etdiyi ixtisas istiqamətləri mühəndislik, maliyyə, iqtisadiyyat, informasiya texnologiyaları, təhsil olub.Təqaüd qazanan gənclərimiz dünyanın Bilkent Universiteti, Koç Universiteti, Orta Şərq Texniki Universiteti, Bonn Universiteti, Frayburq Universiteti, Stanford Universiteti, Nyu-York Universiteti, "Texas A&M" Universiteti, Corc Vaşinqton Universiteti, London İmperial Kolleci, Kembric Universiteti, London Kral Kolleci, London Biznes Məktəbi, "UCL", Uorvik Universiteti, Strasburq Universiteti, Tartu Universiteti, Roma Sapienza Universiteti, Milan Politexnik Universiteti, Toronto Universiteti, MakQill Universiteti, Britiş Kolumbiya Universiteti, Amsterdam Universiteti, Koreya Qabaqcıl Elm və Texnologiya İnstitutu (KAIST), Sinqapur Nanyanq Texnoloji Universiteti, Monaş Universiteti, Sidney Universiteti, "KU Leuven" kimi nüfuzlu təhsil müəssisələrində təhsillərini davam etdirəcəklər.Qeyd edək ki, Dövlət Proqramının illik hədəf göstəricisində 400 təqaüdün verilməsini və magistratura səviyyəsi üzrə mövcud kvotada boş təqaüd yerlərinin olduğunu nəzərə alaraq 10-25 avqust 2022-ci il tarixlərində yenidən sənəd qəbulu elan olunur. Müvafiq elan mətni Elm və Təhsil Nazirliyinin saytında yerləşdirilib.Xatırladaq ki, Prezident İlham Əliyev 2022-ci il fevralın 28-də "Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı"nın təsdiq edilməsi haqqında Sərəncam imzalayıb.Dövlət Proqramının hədəf göstəricisi 2022–2026-cı illərdə, hər il 400 nəfərədək olmaqla, ümumilikdə isə 2000 nəfərədək Azərbaycan Respublikası vətəndaşının xarici ölkələrin nüfuzlu ali təhsil müəssisələrində təhsilinin təmin edilməsidir.Dövlət Proqramı çərçivəsində xarici ali təhsil müəssisələrində təhsil yerlərinin ən azı 80 faizi ali təhsilin magistratura səviyyəsini əhatə edəcək.
azərbaycan
Sputnik Azərbaycan
media@sputniknews.com
+74956456601
MIA „Rosiya Segodnya“
2022
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
azərbaycan, dövlət proqramı, elm və təhsil nazirliyi, təqaüd
azərbaycan, dövlət proqramı, elm və təhsil nazirliyi, təqaüd
Xaricdə təhsil alacaq şəxslərin ilk siyahısı təsdiqlənib
Dövlət Proqramının illik hədəf göstəricisində 400 təqaüdün verilməsini nəzərə alaraq 10-25 avqustda yenidən sənəd qəbulu elan olunur
BAKI, 10 avqust — Sputnik. "Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı"na ilk qəbul prosesinin nəticələri müəyyən olunub. Elm və Təhsil Nazirliyindən bildirilib ki, Dövlət Proqramına dünyanın 30 ölkəsinə aid 15 prioritet ixtisas sahəsi üzrə 673 nəfər müraciət edib.
Müsabiqənin ilkin nəticələrinə əsasən, 80 namizəd bakalavriat səviyyəsi, 149 namizəd isə magistratura səviyyəsi üzrə müvafiq seçim qaydalarına aid meyarlara uyğun olaraq Dövlət Proqramına qəbul olub və proqram iştirakçısı adını qazanıb.
Müsabiqə üzrə digər nəticələrin növbəti həftələrdə ictimaiyyətə açıqlanması nəzərdə tutulur. Proqram iştirakçılarının ən çox müraciət etdiyi ixtisas istiqamətləri mühəndislik, maliyyə, iqtisadiyyat, informasiya texnologiyaları, təhsil olub.
Təqaüd qazanan gənclərimiz dünyanın Bilkent Universiteti, Koç Universiteti, Orta Şərq Texniki Universiteti, Bonn Universiteti, Frayburq Universiteti, Stanford Universiteti, Nyu-York Universiteti, "Texas A&M" Universiteti, Corc Vaşinqton Universiteti, London İmperial Kolleci, Kembric Universiteti, London Kral Kolleci, London Biznes Məktəbi, "UCL", Uorvik Universiteti, Strasburq Universiteti, Tartu Universiteti, Roma Sapienza Universiteti, Milan Politexnik Universiteti, Toronto Universiteti, MakQill Universiteti, Britiş Kolumbiya Universiteti, Amsterdam Universiteti, Koreya Qabaqcıl Elm və Texnologiya İnstitutu (KAIST), Sinqapur Nanyanq Texnoloji Universiteti, Monaş Universiteti, Sidney Universiteti, "KU Leuven" kimi nüfuzlu təhsil müəssisələrində təhsillərini davam etdirəcəklər.
Qeyd edək ki, Dövlət Proqramının illik hədəf göstəricisində 400 təqaüdün verilməsini və magistratura səviyyəsi üzrə mövcud kvotada boş təqaüd yerlərinin olduğunu nəzərə alaraq 10-25 avqust 2022-ci il tarixlərində yenidən sənəd qəbulu elan olunur. Müvafiq elan mətni Elm və Təhsil Nazirliyinin saytında yerləşdirilib.
Xatırladaq ki, Prezident İlham Əliyev 2022-ci il fevralın 28-də "Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı"nın təsdiq edilməsi haqqında Sərəncam imzalayıb.
Dövlət Proqramının hədəf göstəricisi 2022–2026-cı illərdə, hər il 400 nəfərədək olmaqla, ümumilikdə isə 2000 nəfərədək Azərbaycan Respublikası vətəndaşının xarici ölkələrin nüfuzlu ali təhsil müəssisələrində təhsilinin təmin edilməsidir.
Dövlət Proqramı çərçivəsində xarici ali təhsil müəssisələrində təhsil yerlərinin ən azı 80 faizi ali təhsilin magistratura səviyyəsini əhatə edəcək.
