Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Kazan Film Festivalında dörd Azərbaycan filmi nümayiş olunacaq

© Claudio Furlan / LaPresse via APKinoteatrda oturan insanlar, arxiv şəkli
Kinoteatrda oturan insanlar, arxiv şəkli - Sputnik Azərbaycan, 1920, 10.08.2022
Abunə olmaq
“Mədəniyyətlərin dialoqu vasitəsilə - dialoq mədəniyyətinə” devizi altında keçirilən festivala 44 ölkədən ekran əsərləri təqdim olunub.
BAKI, 10 avqust - Sputnik. Sentyabrın 7-dən 11-dək Tatarıstanın paytaxtı Kazanda (Rusiya Federasiyası) keçiriləcək XVIII Kazan Beynəlxalq Müsəlman Filmləri Festivalında dörd Azərbaycan filmi nümayiş olunacaq.
“Rusiya - İslam dünyası” verilişində Əli-Səttar Quliyevin “Olimpiya” bədii filmi, “Türk dünyası” verilişində Elvin Mirzəyevin “Qul” filmi, “Bədii qısametrajlı filmlər” verilişində Qulu Əliyevin "Hasar" bədii filmi, "Qısametrajlı sənədli filmlər" proqramında - Elvin Aşirovun "Sizin ev haradadır" filmi təqdim olunur.
Filmləri Vladimir Xotinenko (Münsiflər Heyətinin sədri, Rusiya), Həmid Benamra (Əlcəzair, Fransa), Anar Kaşaqanova (Qazaxıstan), Amer Salmin Al Murri (BƏƏ), Narges Abyar (İran), Haobam Paban Kumar (Hindistan), İhsan Kabil (Türkiyə), İlham Şahein (Misir), Valeri Fomin və Rafik Muxametşindən (Rusiya) ibarət münsiflər heyəti qiymətləndirəcək.
Əsasnaməyə əsasən, müsabiqə proqramı hər kateqoriya üzrə 10 filmdən ibarətdir. Ümumilikdə bu il kinofestivalda iştirak üçün 44 ölkədən 625 müraciət qeydə alınıb.
Festivalın devizi belədir: “Mədəniyyətlərin dialoqu vasitəsilə - dialoq mədəniyyətinə”. Təsisçilər Rusiya Federasiyası Tatarıstan Respublikasının Mədəniyyət Nazirliyi, Kazan şəhərinin administrasiyası, Rusiya Müftilər Şurasıdır.
Xatırladaq ki, 2021-ci ildə azərbaycanlı rejissor Daniel Quliyevin “Piçik” filmi XVII Kazan Beynəlxalq Müsəlman Filmləri Festivalında xüsusi mükafata layiq görülüb.
Xəbər lenti
0