Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

"Bloomberg": Putin Ərdoğanı ən vacib anda xilas etdi

© Sputnik / POOL / Mediabanka keçidVladimir Putin və Rəcəb Tayyib Ərdoğan görüş zamanı, arxiv şəkli
Vladimir Putin və Rəcəb Tayyib Ərdoğan görüş zamanı, arxiv şəkli - Sputnik Azərbaycan, 1920, 09.08.2022
Xəbərlərə abunə olun
НовостиTelegram
"Bloomberg" bildirir ki, Ərdoğan Qərbin sərt sanksiyalarına səbəb olan Rusiya xüsusi hərbi əməliyyatının davam etməsi fonunda Moskva ilə münasibətləri inkişaf etdirərək kənarda addımlayır.
BAKI, 9 avqust — Sputnik. Rusiya prezidenti Vladimir Putin Türkiyə liderinə kritik məqamda dəstək verib. Bu barədə "Bloomberg" yazır.
Qəzetin analitiklərinin fikrincə, tərəflərin Soçidəki danışıqları Ankaranın Rusiya qazının pulunu qismən rublla ödəməyə keçməsi lirənin məzənnəsini sabitləşdirəcək və ölkədə kəskin qiymət artımının qarşısını alacaq.
Qeyd edildiyi kimi, gələn il keçiriləcək yeni prezident seçkiləri ərəfəsində belə addımlar Ərdoğan üçün son dərəcə vacibdir. Analitikləri Türkiyə prezidentinin reytinqlərinin rekord həddə azaldığına, iqtisadi vəziyyətin seçiciləri ciddi şəkildə narahat etdiyinə diqqət çəkirlər.
"Putinlə danışıqlar Rusiyanın dövlət nüvə enerjisi korporasiyası Rosatomun Aralıq dənizi sahilində atom elektrik stansiyası tikmək üçün Türkiyədəki törəmə şirkəti "Akkuyu Nuklear"a vəsait köçürməsi nəticəsində Türkiyənin valyuta ehtiyatları artdıqdan qısa müddət sonra baş verib.
Eyni zamanda, "Bloomberg" bildirir ki, Ərdoğan Qərbin sərt sanksiyalarına səbəb olan Rusiya xüsusi hərbi əməliyyatının davam etməsi fonunda Moskva ilə münasibətləri inkişaf etdirərək kənarda addımlayır. Türkiyə bu vəziyyətdə neytral mövqe tutub, hərbi əməliyyatları pisləyib, lakin Rusiyaya qarşı məhdudlaşdırıcı tədbirlər tətbiq etməyib. Nəşrin müşahidəçiləri vurğulayırlar ki, Ankara Rusiya ilə iqtisadi əlaqələri dərinləşdirməyə ümid edir və eyni zamanda ənənəvi NATO müttəfiqləri ilə tam miqyaslı qırılmaya səbəb olmaq istəmir.
Bir müddət əvvəl Federasiya Şurasının informasiya siyasəti və media ilə qarşılıqlı əlaqə komissiyasının sədri Aleksey Puşkov bildirmişdi ki, Ərdoğanın Soçi səfəri Qərbin Rusiyanı təcrid etmək strategiyasının uğursuzluğunu sübut etdi.
Xəbər lenti
0