Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Avropalıların 60%-i enerji qiymətlərinin artmasında öz hakimiyyətlərini günahlandırır

© © Sputnik / Elvin AhmadTəbii qaz
Təbii qaz - Sputnik Azərbaycan, 1920, 07.08.2022
Xəbərlərə abunə olun
НовостиTelegram
Sorğunun nəticələrinə görə, ən pis qiyməti İspaniyanın baş naziri Pedro Sançes və Almaniya kansleri Olaf Şolts alıb.
BAKI, 7 avqust - Sputnik. Avropalıların ən azı 60%-i enerji qiymətlərinin artmasında öz hökumətlərinin, özəl enerji şirkətlərinin və ya Aİ-nin günahkar olduğuna inanır. Bunu “Euroskopia” alyansının Avstriya, Almaniya, Yunanıstan, İspaniya, İtaliya, Hollandiya, Polşa, Portuqaliya və Fransada keçirdiyi ictimai rəy sorğusunun nəticələri sübut edir.
Belə ki, "El Mundo" qəzetinin bazar günü yaydığı xəbərə görə, respondentlərə enerji qiymətlərinin artmasında kimin daha çox məsuliyyət daşıdığı soruşulub. Avropalıların dörddə biri (25%) bu cavab variantını seçib: "Ölkəmin hökuməti".
Rəyi soruşulanların 24 faizi özəl enerji şirkətlərini günahlandırıb, daha 11%-i isə günahı Avropa İttifaqında (Aİ) gördüyünü ifadə edib.
© Sputnik / Murad Orujovİnsanlar gəzintidə, arxiv şəkli
Молодежь прогуливается по Бакинскому приморскому бульвару - Sputnik Azərbaycan, 1920, 07.08.2022
İnsanlar gəzintidə, arxiv şəkli
Eyni zamanda respondentlərin 28%-i baş verənlərə görə Rusiyanın məsuliyyət daşıdığını iddia ediblər. Sorğuda iştirak edənlərin 10%-i suala cavab verməkdə çətinlik çəkib, 2%-i isə təklif olunan cavab variantlarının heç biri ilə razılaşmayaraq "başqa" variantını seçiblər.
Avropa liderləri arasında İspaniyanın baş naziri Pedro Sançes və Almaniya kansleri Olaf Şoltsun Ukrayna münaqişəsi ilə bağlı hərəkətləri Aİ vətəndaşları arasında ən pis reytinqi alıb.
Bundan əlavə, respondentlərin 45%-i enerji daşıyıcılarının qiymətlərinin artmasının təsirini güclü hiss etdiklərini bəyan ediblər. Rəyi soruşulanların əksəriyyəti (56%) əmtəə qiymətlərinin artmasından çox narahat olduqlarını bildiriblər.
Qeyd olunur ki, iyunun 8-dən 29-dək keçirilən sorğuda ümumilikdə 9 minə yaxın insan iştirak edib.
Xəbər lenti
0