Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

"Yeni Klinika"nın sabiq direktoru Ali Məhkəməyə müraciət edib

© Official website of President of Azerbaijan RepublicYeni Klinika
Yeni Klinika - Sputnik Azərbaycan, 1920, 03.08.2022
Xəbərlərə abunə olun
Yandex newsTelegram
Sabiq direktorun vəkili tərəfindən Ali Məhkəməyə təqdim olunan ərizədə Pərviz Abbasova bəraət verilməsi xahiş olunub.
BAKI, 3 avqust — Sputnik. "Yeni Klinika" Publik Hüquqi Şəxsin həbsdə olan sabiq direktoru Pərviz Abbasovun barəsindəki qərardan kassasiya şikayəti verilib.
Şikayət ərizəsində cinayət işinin düzgün araşdırılmadığı, Pərviz Abbasovun verilmiş ittihamlarla təqsirsiz olduğu qeyd olunub.
Sabiq direktorun vəkili tərəfindən Ali Məhkəməyə təqdim olunan ərizədə Pərviz Abbasova bəraət verilməsi xahiş olunub.
Xatırladaq ki, "Yeni Klinika" Publik Hüquqi Şəxsin direktoru olmuş Pərviz Abbasov Baş Prokuror Yanında Korrupsiyaya qarşı Mübarizə İdarəsi tərəfindən həbs olunub. O, Cinayət Məcəlləsinin 311.3.2 (rüşvət alma təkrar törədildikdə) və 32.5, 311.3.2-ci (təkrar rüşvət almaya köməklik etmə) maddələri ilə təqsirli bilinərək Bakı Ağır Cinayətlər Məhkəməsinin hökmü ilə Pərviz Abbasov 8 il 6 ay azadlıqdan məhrum olunub.
Sonradan Bakı Apellyasiya Məhkəməsi Pərviz Abbasovun cəzasını 5 il 6 aya endirib.
Qeyd edək ki, ötən ilin dekabr ayının 16-da Bakı Ağır Cinayətlər Məhkəməsində "Yeni Klinika"nın sabiq baş həkimi Pərviz Abbasov 8 il 6 ay azadlıqdan məhrum edilib. O, rüşvət alaraq koronavirus xəstələrini klinikaya yerləşdirməkdə itiham edilir.
Xəbər lenti
0