Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Tramp ABŞ-ın xarici siyasətini tənqid edib

© AP Photo / Andrew HarnikDonald Tramp, arxiv şəkli
Donald Tramp, arxiv şəkli - Sputnik Azərbaycan, 1920, 29.07.2022
Xəbərlərə abunə olun
Yandex newsTelegram
Keçmiş prezident xəbərdarlıq edib: "Növbəti sırada isə Çin və Tayvanla bağlı problem var"
BAKI, 29 iyul — Sputnik. ABŞ-ın keçmiş Prezidenti Donald Tramp hazırkı ABŞ administrasiyasının xarici siyasətini tənqid edib. Bu barədə Rusiya mediası xəbər verib.
"Mənim dövrümdə Çin, İran, Rusiya, Şimali Koreya nəzarət altında olub", - deyə ABŞ-ın keçmiş prezidenti Vaşinqtonda çıxışı zamanı bildirib.
Trampın sözlərinə görə, indi "ABŞ dünya aləmində gülüş obyektinə çevrilib". O, hazırkı Prezident Co Baydenin ABŞ qoşunlarının Əfqanıstandan çıxarılmasını yanlış şəkildə həyata keçirdiyini hesab edir.
"Mən prezident olsaydım, bunların heç biri baş verməzdi", - deyə Tramp qeyd edib.
Keçmiş prezident xəbərdarlıq edib: "Növbəti sırada isə Çin və Tayvanla bağlı problem var"
O hesab edir ki, Ağ Evdən ayrıldıqdan sonra "ABŞ dünya arenasında bir-birinin ardınca alçaldılmalar yaşayır".
Tramp vurğulayıb ki, əgər tədbir görülməsə, indi hakimiyyətdə olan insanlar ABŞ-ı "Venesuela, Sovet İttifaqına bənzər bir şeyə, Kubanın daha böyük bənzərinə" çevirəcəklər.
Tramp ABŞ administrasiyasına Çinə qarşı rüsumları ləğv etməməyi tövsiyə edib. O, həmçinin "yanacaq qiymətlərinin ucuzlaşmasına nail olmaq üçün ölkəmizdə neft və qaz hasilatının mümkün qədər sürətlə artırılmasını" zəruri hesab edir.
Keçmiş prezident Donald Tramp 2024-cü ildə prezidentliyə namizədliyini irəli sürəcəyini birbaşa açıqlamayıb, ancaq bir daha belə bir ehtimala eyham vuraraq ABŞ-ın problemlərinin həllinə kömək etmək istədiyi üçün siyasətdən getmədiyini bildirib.
Xəbər lenti
0