Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

İranda güclü sel: Ölən və yaralananlar var

© Sputnik / Ibrahim HashimovSel
Sel  - Sputnik Azərbaycan, 1920, 28.07.2022
Xəbərlərə abunə olun
Yandex newsTelegram
Prezident İbrahim Rəisi hökumətin təcili iclasını keçirib və insanlara yardım edilməsi barədə göstəriş verib.
BAKI, 28 iyul — Sputnik. Aramsız yağan yağışlar nəticəsində Tehranın İmamzadə Davud rayonunda təbii fəlakət baş verib.
Normadan artıq yağan yağış selə səbəb olub. Nəticədə 4 nəfər həlak olub, 9 nəfər isə ağır yaralanaraq xəstəxanaya çatdırılıb. Tehranın bu rayonunda avtomobillərin hərəkəti məhdudlaşdırılıb. İctimai və şəxsi tikililərə böyük ziyan dəyib. İranın Qırmızı Aypara Cəmiyyəti hadisə yerində xilasetmə işlərini davam etdirir.
Hökumət komissiya yaradaraq dəyən zərəri dəqiqləşdirməyə çalışır. Prezident İbrahim Rəisi hökumətin təcili iclasını keçirib və insanlara yardım edilməsi barədə göstəriş verib.
Qeyd edək ki, son günlər İranda yağan yağışlar Fars, Kirman, Sistan-Bəlucistan, Mazandaran, Gilan, Mərkəzi və başqa vilayətlərdə də ağır fəsadlar törədib.
Fars vilayətində də 4 nəfərin sel nəticəsində həlak olması, 2 nəfərin isə itkin düşməsi barədə məlumat verilib.
Xəbər lenti
0