Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

İdman etmədən əzələləri inkişaf etdirmək olarmı?

© AFP 2022 / FRED TANNEAUİdman
İdman - Sputnik Azərbaycan, 1920, 28.07.2022
Xəbərlərə abunə olun
Yandex newsTelegram
Alimlərin gəmiricilər üzərində apardığı tədqiqatlar maraqlı nəticələrə gətirib.
BAKI, 28 iyul — Sputnik. Melburn və Kopenhagen universitetlərindən olan tədqiqatçılar qrupu idman etmədən əzələlərin inkişaf etməsinə imkan verən gen aşkar ediblər. Rusiya mediası xəbər verir ki, alimlərin elmi işi "Cell Metabolism" jurnalında dərc olunub.
Tədqiqatçılar idmanla məşğul olan zaman və sonra əzələlərdə molekulyar siqnallara nəzər yetiriblər.
Məlum olub ki, məşq zamanı C18ORF25 geni aktivləşir. Komanda daha sonra siçan modelini yaradıb - gəmiricilərin bir qrupunu C18ORF25-dən məhrum ediblər, ikinci qrupda isə bu genin mövcudluğu gücləndirilib.
Nəticədə alimlər müəyyən ediblər ki, gəmiricilərin birinci qrupunda zəif əzələlər və aşağı fiziki aktivlik səbəbindən inkişaf daha yavaş olub, ikinci qrup isə əla nəticələr göstərib. C18ORF25 geninin aktivliyi nə qədər yüksək olarsa, heyvanların əzələləri bir o qədər güclənir.
Alimlərin fikrincə, bu gen fiziki məşq olmadan da əzələ kütləsini yaratmaq üçün istifadə edilə və əzələ distrofiyasının müalicəsində kömək ola bilər.
Xəbər lenti
0