Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Ərzaqlıq buğda üçün minimum alış qiyməti müəyən olunacaq

© AFP 2022 / SERGEY BOBOKbuğda
buğda  - Sputnik Azərbaycan, 1920, 26.07.2022
Xəbərlərə abunə olun
Yandex newsTelegram
Fermerlərimiz bundan sonra Dövlət Ehtiyatları Agentliyinə və un dəyirmanlarına təhvil verdikləri ərzaqlıq buğdaya görə əlavə olaraq məhsul subsidiyası alacaqlar.
BAKI, 26 iyul — Sputnik. Bakıda "Ərzaqlıq buğda ilə özünütəminetmə səviyyəsinin yüksəldilməsinə dair bir sıra tədbirlər haqqında" dövlət başçısının 19 iyul 2022-ci il tarixli fərmanının icrası ilə əlaqədar görüş keçirilib.
Görüşdə kənd təsərrüfatı naziri İnam Kərimov, iqtisadiyyat nazirinin müavini Sahib Məmmədov, Nazirlər Kabinetinin Aqrar və ekologiya şöbəsinin müdiri Lətif Qasımov, Dövlət Ehtiyatları Agentliyinin İdarə Heyətinin sədri Səbuhi Sadıqov, Meliorasiya və Su Təsərrüfatı ASC-nin sədri Zaur Mikayılov, taxıl istehsalçıları və fermerlər iştirak ediblər.
Bu barədə Kənd Təsərrüfatı Nazirliyindən məlumat verilib.
Görüşdə çıxış edən fərmanın icrasına məsul olan müvafiq dövlət qurumlarının rəhbər şəxsləri bildiriblər ki, iqtisadiyyatın digər sahələri kimi aqrar sahənin daha da inkişafı üçün dövlət tərəfindən çox böyük dəstək tədbirləri həyata keçirilir. Kənd təsərrüfatının müxtəlif sahələrinin, xüsusilə taxılçılığın inkişafı üçün subsidiya verilir, texnika təminatı ilə bağlı dövlət tərəfindən güzəştlər tətbiq edilir. Bütün dünya ölkələrində, qlobal səviyyədə ərzaq təhlükəsizliyi ilə bağlı çağırışlar mövcuddur.
Bu sahədə risklərin qarşısının alınması üçün Prezident tərəfindən ərzaqlıq buğda əkinlərini təşviq etmək məqsədilə müvafıq fərman imzalanıb. Sənədə əsasən, fermerlərə hər hektara görə əkin subsidiyasından əlavə məhsul subsidiyasının verilməsi də nəzərdə tutulur. Fermerlərimiz bundan sonra Dövlət Ehtiyatları Agentliyinə və un dəyirmanlarına təhvil verdikləri ərzaqlıq buğdaya görə əlavə olaraq məhsul subsidiyası alacaqlar. Bununla yanaşı, bu fərman ərzaqlıq buğdanın əkilməsi üçün müasir suvarma sistemlərinin tətbiqini təşviq edəcək.
Qeyd edilib ki, digər tərəfdən, ərzaqlıq buğda üçün minimum alış qiyməti müəyən olunacaq. Bununla da "Ərzaqlıq buğda ilə özünütəminetmə səviyyəsinin yüksəldilməsinə dair bir sıra tədbirlər haqqında" fərman ölkədə ərzaqlıq buğdanın istehsalını daha da stimullaşdıracaq, ərzaq təhlükəsizliyinin təmin olunmasına mühüm töhfə verəcək.
Görüşdə taxılçılıqda yeni innovativ texnologiyalar tətbiq edilməklə keyfiyyətli toxum istehsalı, sertifikatlı toxumlardan istifadənin genişlənməsi, taxıl sahələrində düzgün aqrotexniki qulluq, suvarma suyu ilə təminat, bitkilərin məhsuldarlığı və keyfiyyətinin yüksəldilməsi üçün müasir resursqoruyucu texnologiyaların, o cümlədən müasir suvarma sistemlərinin geniş tətbiqi ilə bağlı fikir mübadiləsi aparılıb, fermerlərin dövlətin bu prosesə verdiyi dəstək mexanizmlərindən geniş yararlandığı qeyd olunub, taxılçılığın inkişafı ilə bağlı səsləndirilən təkliflər qeydiyyata alınıb.
Analoji formatda görüşlərin davam etdirilməsi nəzərdə tutulur.
Xəbər lenti
0