Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Azərbaycanla Litva arasında səhiyyə sahəsində əməkdaşlığın inkişafı müzakirə edilib

Xəstəxana - Sputnik Azərbaycan, 1920, 26.07.2022
Xəbərlərə abunə olun
Yandex newsTelegram
Səfir ölkəsinin Azərbaycanda tibb təhsili sisteminin beynəlxalq standartlara uyğun modernləşdirilməsinə töhfə verməyə hazır olduğunu qeyd edib
BAKI, 26 iyul — Sputnik. Səhiyyə Nazirliyində Litvanın Azərbaycandakı səfiri Egidius Navikasla görüş keçirilib.
Bu barədə Səhiyyə Nazirliyindən məlumat verilib.
Bildirilib ki, səhiyyə naziri Teymur Musayev ölkələr arasında dostluq əlaqələrinin dinamik inkişaf etdiyini vurğulayıb.
Bir çox sahələrdə, o cümlədən səhiyyə və tibb elmi sahəsində uğurlu əməkdaşlığı diqqətə çatdıran Teymur Musayev milli səhiyyə müəssisələri arasında təcrübə mübadiləsi və əczaçılıq sənayesində əlaqələrin genişləndirilməsi üçün böyük potensialın olduğunu qeyd edib: "Bundan əlavə, ölkələrimizin səhiyyəsinin səmərəliliyini artırmaq məqsədilə tibb təhsili sahəsində qarşılıqlı fəaliyyət üçün bütün zəruri vasitələr, o cümlədən ali tibb mütəxəssislərinin davamlı peşə təhsili sahəsində müasir metodiki və elmi-praktik təcrübə mübadiləsi üçün bütün imkanlar mövcuddur".
Öz növbəsində Egidius Navikas ikitərəfli əlaqələrin genişləndirilməsində yüksək səviyyəli qarşılıqlı səfərlərin önəmini qeyd edib. Cari ilin may ayında Litvanın Sağlamlıq Elmləri Universiteti ilə Azərbaycan Tibb Universiteti arasında əməkdaşlıq Memorandumun imzalandığını diqqətə çatdıran səfir bu sənədin ölkələrimiz arasında tibbi əməkdaşlığın genişlənməsinə töhfə verəcəyini vurğulayıb.
Ölkəmizin səhiyyə sistemində aparılan islahatların dəstəklədiyini bildirən səfir ölkəsinin Azərbaycanda tibb təhsili sisteminin beynəlxalq səviyyədə qəbul olunmuş metodologiya və standartlara uyğun modernləşdirilməsinə hər cür töhfə verməyə hazır olduğunu qeyd edib.
Qarşılıqlı anlaşma şəraitində keçən görüşdə səhiyyə və tibb elmi sahəsində əməkdaşlığın mövcud vəziyyəti və potensial inkişaf imkanları müzakirə olunub.
Xəbər lenti
0