DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Türkiyə-Ermənistan sərhədində mina partlayıb

© Sputnik / Aleksey Kudenko / Mediabanka keçidPartlayış, arxiv şəkli
Partlayış, arxiv şəkli - Sputnik Azərbaycan, 1920, 25.07.2022
Abunə olmaq
Qars vilayətinin Arpaçay rayonunda Ermənistan ilə sərhədə yaxın bu ərazidə minalardan təmizləmə işləri aparılıb.
BAKI, 25 iyul — Sputnik. Türkiyə-Ermənistan sərhədində minanın partlaması nəticəsində bir nəfər yaralanıb. Bu barədə Türkiyənin "Kars Güncel" nəşri məlumat yayıb.
Qeyd olunur ki, hadisə Qars vilayətinin Arpaçay rayonunda baş verib. Ermənistan ilə sərhədə yaxın bu ərazidə minalardan təmizləmə işləri aparılıb.
Bundan əvvəl Türkiyə mətbuatı Ermənistan və Türkiyə nümayəndələri arasında aparılan danışıqlar zamanı Türkiyənin şərqindəki Qars vilayətinin Akyaka rayonunda Doğukapı keçid məntəqəsinin və Alikan keçid məntəqəsinin açılışına hazırlıq barədə məlumat yayıb. Bu, üçüncü ölkələrin vətəndaşları üçün edilir, iyulun əvvəlində bununla bağlı razılaşma əldə olunub.
Xatırladaq ki, bundan əvvəl Türkiyənin Ermənistanla danışıqlar üzrə nümayəndəsi Sərdar Kılıçın həmin əraziyə səfərinə dair məlumat yayılmışdı.
Qeyd edək ki, iyunda Vyanada Türkiyə və Ermənistan arasında normallaşma prosesi üzrə xüsusi nümayəndələr - səfir Sərdar Kılıç və Ermənistan parlamentinin sədr müavini Ruben Rubinyan arasında dördüncü görüş keçirilib.
Bildirilib ki, görüş çərçivəsində tərəflər, Türkiyə ilə Ermənistan arasında quru sərhədinin iki ölkəyə səfər edən üçüncü ölkə vətəndaşlarının keçməsi üçün ən qısa zamanda açılması barədə razılığa gəliblər və bununla bağlı lazımi prosesin başlanmasına qərar verilib.
Xəbər lenti
0