Математика - Sputnik Azərbaycan, 1920
İNFOQRAFİKA
Aktual məsələlərin gözəl dizaynda təqdimatı

Azərbaycan Vətən müharibəsi iştirakçılarına necə kömək edir

Xəbərlərə abunə olun
Yandex newsTelegram
Əmək və Əhalinin Sosial Müdafiəsi Nazirliyi İkinci Qarabağ müharibəsi iştirakçılarını və şəhid ailələrini mənzillərlə təmin edir.
Azərbaycan daha yaxşı mənzil şəraitinə ehtiyacı olan bütün İkinci Qarabağ müharibəsi veteranlarını və şəhid ailələrini mənzillərlə təmin edir. Həyata keçirilən tədbirlər çərçivəsində yaxın iki ay ərzində daha 500 mənzilin və fərdi yaşayış evin açarları sahiblərinə - 44 günlük müharibə iştirakçılarına, eləcə də şəhidlərin vərəsələrinə təqdim olunacaq.
Nazir Sahil Babayev bildirib ki, 2022-ci ilin sonuna kimi Əmək və Əhalinin Sosial Müdafiəsi Nazirliyi onlara daha 1,5 min mənzili təhvil vermək niyyətindədir.
O qeyd edib ki, 2022-ci ilin əvvəlindən 600 mənzil və ev artıq öz sahiblərini tapıb. Azərbaycanda Vətən müharibəsi başa çatdıqdan sonra əhalinin bu kateqoriyasına 3,6 min mənzil və fərdi yaşayış evi verilib.
Prezident İlham Əliyevin tapşırığına əsasən, nazirlik Bakı, Sumqayıt və Abşeronda Vətən müharibəsi şəhid ailələrin və müharibə əlillərin əsas kontingentinin mənzillə təmin olunması prosesini başa çatdıracaq. Bununla yanaşı, Azərbaycanın bölgələrində də bu işlər davam etdirilir.
Əlavə olaraq cari ilin birinci yarısında müharibə əlillərinə 100 avtomobil verilib.
Ancaq hər şey bununla bitmir. Müharibədən sonrakı dövrdə 100 mindən çox şəhid ailəsinin üzvü və müharibə iştirakçılarına sosial dəstək sahəsində 193 min xidmət göstərilib. Onların arasından 8 min nəfəri "Özünüməşğulluq" proqramına cəlb edilib. Məşğulluq proqramı çərçivəsində 5,4 min nəfər əlil və müharibə veteranı işlə təmin olunub.
Müharibə iştirakçılarına göstərilən sosial yardımın miqyası Sputnik Azərbaycan-ın infoqrafikasında öz əksini tapıb.
Xəbər lenti
0