Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

İstanbulda Ukraynadan taxıl daşıyan gəmiləri yoxlayacaq koordinasiya mərkəzi yaradılır

© Sputnik / Ministry of Defence of the Russian Federation / Fotobanka keçmək Serqey Şoyqu
 Serqey Şoyqu - Sputnik Azərbaycan, 1920, 22.07.2022
Xəbərlərə abunə olun
Yandex newsTelegram
Sergey Şoyqu bildirib ki, Rusiya, Türkiyə, BMT nümayəndələri və Ukraynanın imzaladığı sazişə əsasən, İstanbulda birgə dördtərəfli koordinasiya mərkəzi yaradılır.
BAKI, 22 iyul - Sputnik. İstanbulda Ukraynadan taxıl ixracı ilə məşğul olan gəmilərin yoxlanılmasını həyata keçirəcək birgə dördtərəfli koordinasiya mərkəzi yaradılır.
Bu barədə Rusiyanın müdafiə naziri Sergey Şoyqu bildirib.
“Rusiya, Türkiyə, BMT nümayəndələri və Ukraynanın imzaladığı sazişə əsasən, İstanbulda birgə dördtərəfli koordinasiya mərkəzi yaradılır. BKM nümayəndələri silah və sursatların daşınmasının, eləcə də təxribatların qarşını almaq məqsədilə Ukraynanın kənd təsərrüfatı məhsullarının ixracına cəlb olunan gəmilərin təftişini təşkil edəcək”, - S.Şoyqu deyib.
“Yoxlama həm Qara dənizə girişdə, həm də ondan çıxarkən aparılacaq”, - o vurğulayıb.
Türkiyənin milli müdafiə naziri Hulusi Akar da bildirib ki, Türkiyə “Taxıl daşınması sazişi”nə əsasən hərəkət edəcək ticarət gəmilərini İstanbul boğazlarına giriş və çıxış zaman yoxlayacaq.
O qeyd edib ki, bu, həm İstanbulda qurulacaq koordinasiya mərkəzinin vasitəsi ilə, həm də Türkiyənin suveren haqlarına əsasən həyata keçiriləcək.
Akarın sözlərinə görə, bu razılaşma dünyada cərəyan edən qida böhranının bitməsinə yardım edəcək.
Nazir ölkəsinin Rusiya-Ukrayna müharibəsində atəşkəsin əldə olunması üçün göstərdiyi səyləri də xatırladıb.
Taxıl Ukraynanın üç limanından daşınacaq.
Qeyd edək ki, İstanbulda Ukrayna nümayəndələri Türkiyə və BMT (BMT) nümayəndələri ilə taxıl ixracına dair saziş imzalayıblar.
Sənədi Ukraynanın infrastruktur naziri Aleksandr Kubrakov, Türkiyənin müdafiə naziri Hulusi Akar və BMT-nin baş katibi Antonio Quterreş imzalayıb. Qeyd olunur ki, oxşar sənəd "Türkiyə, BMT və Rusiya nümayəndələri tərəfindən imzalanmalıdır".
İddia olunur ki, taxılın ixrac olunacağı Odessa, Çernomorsk və Yujnı limanlarına nəzarət "Ukrayna tərəfində qalır". Bundan əlavə, bu limanlarda taxıl, müvafiq ərzaq məhsulları və gübrələrin ixracını təmin edən gəmilərdən başqa heç bir gəminin nəzərdə tutulmadığı vurğulanır.
Bundan əvvəl məlum bildirilmişdi ki, Rusiyanın müdafiə naziri Sergey Şoyqu Qara dəniz limanlarından Ukrayna taxılının daşınmasına dair müqavilə imzalamaq üçün iyulun 22-də İstanbula uçub.
Bundan əvvəl Ukrayna prezidentinin aparat rəhbərinin köməkçisi Mixail Podolyak bildirib ki, Rusiya və Ukrayna ayrı-ayrılıqda Ukrayna limanlarından taxıl ixracına dair sazişlər imzalayacaqlar.
Azərbaycanda taxıl biçimi - Sputnik Azərbaycan, 1920, 22.07.2022
RUSİYA
Türkiyə, Rusiya və Ukrayna arasında taxıl ixracına dair sazişin detalları açıqlandı
Xəbər lenti
0