https://sputnik.az/20220722/kesfiyyat-rehberlerinin-yerevana-ardicil-seferlerinin-arxasinda-hansi-meqam-dayanir-444276707.html

Kəşfiyyat rəhbərlərinin Yerevana ardıcıl səfərlərinin arxasında hansı məqam dayanır?

Kəşfiyyat rəhbərlərinin Yerevana ardıcıl səfərlərinin arxasında hansı məqam dayanır?

Sputnik Azərbaycan

Politoloq bildirib ki, dünya gücləri Ermənistandan öz diqqətlərini çəkmirlər, əksinə bu ölkə üzərində təsirlərini artırmağa çalışırlar. 22.07.2022, Sputnik Azərbaycan

2022-07-22T21:00+0400

2022-07-22T21:00+0400

2022-07-22T21:00+0400

yerevan

siyasət

ermənistan

rusiya

cənubi qafqaz

https://cdnn1.img.sputnik.az/img/07e5/0a/08/434027722_0:245:3206:2048_1920x0_80_0_0_68a68cf93c23d1a2c4483a4ad7cc4aa3.jpg

BAKI, 22 iyul — Sputnik. Ötən həftə ABŞ Mərkəzi Kəşfiyyat İdarəsinin direktoru Vilyam Börns Ermənistanın paytaxtı Yerevana səfər etdi. ABŞ-ın Ermənistandakı səfirliyi V.Börnsün səfəri ilə bağlı heç bir açıqlama yaymadı.Bundan sonra isə Ermənistana daha bir önəmli səfər baş tutdu. Rəsmi məlumata görə, iyulun 18-də Rusiya Xarici Kəşfiyyat Xidmətinin direktoru Sergey Narışkin də Ermənistana gedib.Rusiya XKX rəhbəri Ermənistanın təhlükəsizlik orqanlarında islahatların aparılması məsələsində yardım etməyə hazır olduqlarını bildirib.Sputnik Azərbaycan Rusiya və ABŞ kəşfiyyat xidməti rəhbərlərinin Ermənistana baş tutan ardıcıl səfərləri ilə bağlı politoloq Tofiq Abbasovun fikirlərini öyrənib.Politoloq Tofiq Abbasov bildirib ki, dünya gücləri Ermənistandan öz diqqətlərini çəkmirlər, əksinə bu ölkə üzərində təsirlərini artırmağa çalışırlar. O hesab edir ki, həm Rusiya, həm də ABŞ Ermənistanı öz siyasi cığırlarında hərəkətə sövq etməyə çalışır: "Düşünürəm ki, bu baxımdan Rusiyanın imkanları daha genişdir. Ermənistanda açıq-aşkar Rusiyapərəst qüvvələr var. Bununla yanaşı, orada anti-Rusiya meylli qüvvələr və rusafob əhval-ruhiyyə də inkişaf edir. Qərbin bunu görən xüsusi təyinatlı təsisatları çalışırlar ki, bu məqamdan istifadə edərək təsirlərini bu ölkə üzərində daha da gücləndirsinlər".Politoloq ABŞ-ın Ermənistandakı səfirliyinin fəaliyyətinə diqqət çəkib və bildirib ki, orada çalışanların böyük əksəriyyəti casusluq fəaliyyəti ilə məşğuldurlar: "Nəzərə almaq lazımdır ki, İranla Ermənistan sərhəd qonşularıdır. Paradoks ondan ibarətdir ki, bununla belə İran rəsmiləri açıqlamalarında Ermənistanla sərhədlərini itirmək istəmədiklərini vurğulayırlar. ABŞ Ermənistan vasitəsilə bölgə ölkələrinin elektron izləməsini həyata keçirir. Onlar həm də çalışır ki, Ermənistan siyasi rəhbərliyindəki qərbpərəst qüvvələr hakimiyyətdən uzaq düşməsinlər".Tofiq Abbasov vurğulayıb ki, ABŞ Ermənistandan Rusiyanı sıxışdırıb çıxarmaq istəyir: "Bununla da Ermənistanın qərbpərəst ölkə kimi təşəkkül tapmasına nail olmaq istəyirlər. ABŞ-ın Yaxın Şərq siyasətinə həm də Cənubi Qafqaz daxildir. ABŞ çox istədi ki, bölgədə müstəqil kürd dövlətinin yaradılmasına nail olsun. Bununla da İsrailə dəstək subyekt peyda olsun, ancaq buna müvəffəq ola bilmədi. Amma bu istiqamətdə axtarışlar hələ də davam edir. ABŞ Suriyada, İranda və Türkiyədə kürd yaraqlılarını dəstəkləyir. Ola bilər ki, bu kontekstdə Ermənistanı da öz tabeçiliyinə keçirtsin, bununla da İsrail və Ermənistan arasında bir bağlılıq yaratsın. Bu proseslər Azərbaycan dövlətinin diqqətində olmalıdır"."Biz Ermənistanla əsas məsələni həll etmişik. Amma Ermənistan bununla kifayətlənmir və revanşizmə meyil göstərir. Ona görə də düşünürəm ki, həm ABŞ, həm də Rusiyanın xüsusi təyinatlı təsisatları rəhbərlərinin Yerevana gəlməsi məhz vəziyyəti yerindəcə öyrənmək istəyi ilə bağlıdır", - deyə politoloq fikirlərini yekunlaşdırıb.

2022

xəbərlər

ru_AZ

yerevan, ermənistan, rusiya, cənubi qafqaz