Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Azərbaycanda vergi ödəyicilərinin sayı artıb

© Sputnik / Murad OrujovVergi məcəlləsi, arxiv şəkli
Vergi məcəlləsi, arxiv şəkli - Sputnik Azərbaycan, 1920, 22.07.2022
Xəbərlərə abunə olun
Yandex newsTelegram
Cari ilin ilk altı ayının hər birində kommersiya qurumlarının dövlət qeydiyyatının həcmi əvvəlki ilin müvafiq ayları ilə müqayisədə artıb.
BAKI, 22 iyul — Sputnik. Bu il iyulun 1-nə Azərbaycanda 1 363 776 vergi ödəyicisi olub. Bu barədə İqtisadiyyat Nazirliyi yanında Dövlət Vergi Xidmətindən bildirilib.
Məlumata görə, bu, ötən il iyulun 1-i ilə müqayisədə 7,3% çoxdur.
Vergi ödəyicilərinin 87,6 %-i fiziki şəxslər, 12,4 %-i isə hüquqi şəxslər və digər təşkilatlar təşkil edib. Son 1 ildə fərdi sahibkarların sayı 7,1%, şirkətlərin sayı isə 8,6% artıb.
Bu ilin I yarısında Azərbaycanda 7 658 kommersiya qurumu dövlət qeydiyyatından keçib ki, bu da ötən ilin eyni dövrü ilə müqayisədə 36 % çoxdur.
Yeni kommersiya qurumlarının 72,7 %-i elektron qaydada, 27,3 %-i kağız daşıyıcılarda edilmiş müraciətlər əsasında qeydiyyata alınıb və onlardan 1 308-nin (ümumi qeydiyyatın 17,1%-nin) ƏDV-nin məqsədləri üçün qeydiyyata alınması ilkin qeydiyyat proseduru çərçivəsində təmin olunub.
2022-ci ilin 6 ayı ərzində qeydiyyatdan keçmiş kommersiya qurumlarının 77,5 %-i yerli investisiyalı, 22,5 %-i xarici investisiyalı qurumlardır. Cari ilin ilk altı ayının hər birində kommersiya qurumlarının dövlət qeydiyyatının həcmi əvvəlki ilin müvafiq ayları ilə müqayisədə artıb.
Xəbər lenti
0