Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

ÜST ölüm hallarının artacağı barədə xəbərdarlıq etdi

© AFP 2022 / Fabrice CoffriniÜST
ÜST  - Sputnik Azərbaycan, 1920, 21.07.2022
Xəbərlərə abunə olun
Yandex newsTelegram
Qebreyesus bildirib ki, son həftələrdə qeydə alınan yoluxma hallarının artımında COVID-19-un hansı ştammının təsirli olduğu hələ ki, bilinmir.
BAKI, 21 iyul — Sputnik. Ümumdünya Səhiyyə Təşkilatı (ÜST) COVID-19-a yoluxma hallarının getdikcə artdığını qeyd edərək, yaxın həftələrdə dünya ölkələrində koronavirusdan ölüm hallarının daha da artacağı barədə xəbərdarlıq edib.
ÜST-ün baş direktoru Tedros Adhanom Qebreyesus yeni yoluxma hallarının sayının son 6 həftədə demək olar, iki dəfə artdığını vurğulayıb. "COVID-19-dan ölüm hallarının sayı yoluxmaların sayı qədər sürətli olmasa da, artmaqdadır. Artan yoluxmalar qarşıdakı həftələrdə xəstəxanalara daha çox yerləşdirmə və ölüm hallarını gözləyə biləcəyimiz anlamına gəlir", - o deyib.
Qebreyesus bildirib ki, son həftələrdə qeydə alınan yoluxma hallarının artımında COVID-19-un hansı ştammının təsirli olduğu hələ ki, bilinmir. "Bu artımın səbəbi artıq bildiyimiz və ya tamamilə yeni bir variant ola bilər", - o əlavə edib.
COVID-19-un yeni ştammının əvvəlkilərdən daha təsirli olacağını vurğulayan Qebreyesus bildirib ki, bütün ölkələr buna hazır olmalıdır. "Epidemiya ilə mübarizə imkanlarını azaldan ölkələr böyük risklərlə üzləşirlər", - o xəbərdarlıq edib.
"Xəstəxanalar hələ dolu olmasa da, indi bütün ölkələrin virusa nəzarət, immunitet, işçi qüvvəsi, təchizatdakı boşluqları doldurmasının vaxtıdır", - Qebreyesus vurğulayıb.
Xəbər lenti
0