https://sputnik.az/20220721/serqi-zengezur-qtisadi-rayonunda-bir-sayli-berpa-tikinti-ve-dareetme-xidmeti-yaradilib-444238758.html

Şərqi Zəngəzur İqtisadi Rayonunda bir saylı Bərpa, Tikinti və İdarəetmə Xidməti yaradılıb

Şərqi Zəngəzur İqtisadi Rayonunda bir saylı Bərpa, Tikinti və İdarəetmə Xidməti yaradılıb

Sputnik Azərbaycan

Xidmətin nizamnamə fondu beş yüz min manatdır və dövlət büdcəsinin vəsaiti hesabına formalaşır 21.07.2022, Sputnik Azərbaycan

2022-07-21T19:09+0400

2022-07-21T19:09+0400

2022-07-21T19:09+0400

zəngəzur

cəmiyyət

iqtisadi

rayon

https://cdnn1.img.sputnik.az/img/07e5/0a/15/434431511_0:62:2500:1468_1920x0_80_0_0_49a60d184f6b1a94689a8b2968978769.jpg

BAKI, 21 iyul — Sputnik. "Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti" publik hüquqi şəxs yaradılıb. Bununla bağlı Prezident İlham Əliyev Fərman imzalayıb.Fərmanla "Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidmətinin Nizamnaməsi" təsdiq edilib.Müəyyən edilib ki, Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti Zəngilan rayonuna əhalinin qayıdışı ilə əlaqədar çoxmənzilli binaların və fərdi yaşayış evlərinin tikintisinin təşkili, bu qaydada tikilmiş çoxmənzilli binaların idarə edilməsi, habelə müvafiq ərazidə abadlaşdırma, yaşıllaşdırma və mənzil-kommunal təsərrüfatı sahələrində fəaliyyət göstərən publik hüquqi şəxsdir.Xidmətin fəaliyyətinə ümumi rəhbərliyi və nəzarəti həyata keçirmək üçün sədr də daxil olmaqla 5 (beş) üzvdən ibarət Müşahidə Şurası yaradılır.Xidmətin fəaliyyətinə cari rəhbərliyi Xidmətin Müşahidə Şurasının vəzifəyə təyin və vəzifədən azad etdiyi İcraçı direktor həyata keçirir.Xidmətin nizamnamə fondu beş yüz min manatdır və dövlət büdcəsinin vəsaiti hesabına formalaşır.Xidmətin saxlanılma xərcləri və fəaliyyəti dövlət büdcəsi və qanunla qadağan olunmayan digər mənbələr hesabına maliyyələşir.

2022

xəbərlər

ru_AZ

zəngəzur, iqtisadi, rayon