Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Ərdoğan: Türkiyə Suriyanı terrorçulardan təmizləyəcək

© AP Photo / Susan WalshTürkiyə prezidenti Rəcəb Tayyib Ərdoğan, arxiv şəkli
Türkiyə prezidenti Rəcəb Tayyib Ərdoğan, arxiv şəkli - Sputnik Azərbaycan, 1920, 19.07.2022
Xəbərlərə abunə olun
Yandex newsTelegram
Türkiyə, Rusiya və İran prezidentlərinin Astana formatında növbəti görüşü Rusiyada keçiriləcək
BAKI, 19 iyul - Sputnik. Astana platforması Suriya böhranında həll yolunu tapmaq üşün yeganə təsiredici təşəbbüsdür.
APA-nın verdiyi xəbərə görə, bu barədə Türkiyə Prezidenti Rəcəb Tayyib Ərdoğan Tehranda Türkiyə, Rusiya və İran prezidentlərinin Astana prosesi sammitində çıxışı zamanı deyib.
O qeyd edib ki, Suriya böhranın yaratdığı bütün məsələlərin yükünü ən çox daşıyan ölkə Türkiyədir.
Ərdoğan Suriyanın ərazi bütövlüyünə PKK-YPG və digər terror təşkilatlarının təhdid yaratdığını əlavə edərək, ölkəsinin terrorla mübarizəni kimin dəstəkləyib-dəstəkləmədiyinə baxmayaraq və yerindən asılı olmayaraq davam etdirəcəyini vurğulayıb: “Rusiya və İrandan gözləntimiz bu məsələdə bizə dəstək olmaqdır. İŞİD, PKK-YPG və digərləri ilə mübarizə davam etməli, Suriya xalqına dəstək bu terror təşkilatlarını buralardan təmizləmək olmalıdır. Əli qanlı terror təşkilarlarına qarşı mübarizəmizi bundan sonra da davam etdirəcəyik”.
Prezidentinin sözlərinə görə, Türkiyənin terroçulardan təmizlədiyi ərazilərə 500 mindən çox suriyalı geri dönüb, 1 milyon insanın geri dönməsi üçün də işlər davam edir.
Ərdoğan həmçinin vurğulayıb ki, tərəflər arasında razılaşmaya baxmayaraq, terror təşkilatlarını Türkiyənin sərhədlərindən 30 kilometr məsafəyə uzaqlaşmaq şərti yerinə yetirilməyib.
“Milli təhlükəsizliyimizi hədəfləyən şər mərkəzlərini Suriyadan təmizləməkdə qərarlıyıq. Aydın şəkildə anlaşılmalıdır ki, bölgəmizin gələcəyində separatçı terrorizmə və onun uzantılarına yer yoxdur” – deyə Türkiyə prezidenti vurğulayıb.
***
Türkiyə, Rusiya və İran prezidentlərinin Astana sammiti formatında növbəti görüşü Rusiyada keçiriləcək.
Bunu Rusiya prezidenti Vladimir Putin Tehranda keçirilən zirvə görüşündə bildirib.
Xəbər lenti
0