Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

"Yeni klinika"ya baş həkim təyin edildi

© Official website of President of Azerbaijan RepublicYeni klinika
Yeni klinika - Sputnik Azərbaycan, 1920, 15.07.2022
Xəbərlərə abunə olun
Yandex newsTelegram
Koronavirus xəstələrinin müalicə olunduğu "Yeni klinika"ya bundan sonra yeni rəhbər başçılıq edəcək.
BAKI, 15 iyul — Sputnik. Tibbi Ərazi Bölmələri İdarəetmə Birliyinin (TƏBİB) İdarə Heyəti sədrinin vəzifəsini icra edən Vüqar Qurbanovun əmri ilə "Yeni klinika" tibb müəssisəsinə baş həkim təyin olunub.
Bundan sonra tibb müəssisəsinin direktoru vəzifəsinin icrasını da tanınmış anestezioloq Cavid Paşayev icra edəcək.
C.Paşayev təyinatına qədər Bakı Sağlamlıq Mərkəzində Anesteziya və əməliyyat şöbəsinin müdiri, baş həkimin müavini vəzifəsində çalışıb.
Vüqar Qurbanov yeni baş həkimi kollektivə təqdim edib. Təqdimetmə mərasimində çıxış edən V.Qurbanov Cavid Paşayevin səhiyyə sahəsində uzunmüddətli və səmərəli fəaliyyət göstərdiyini və "Yeni klinika"nın müasir tələblərə uyğun olaraq daha da inkişaf etdirilməsində mühüm əhəmiyyət kəsb edəcəyinə əmin olduğunu bildirib.
Məlumat üçün qeyd edək ki, Cavid Paşayev Azərbaycan Tibb Universitetinin Müalicə işi fakültəsini bitirib.
O, əmək fəaliyyətinə 2005-2007-ci illər ərzində Kliniki Tibbi Mərkəzdə başlayıb. 2009-cu ildən 2010-cu ilə qədər Avrasiya Klinikasında həkim-anestezioloq, 2011-ci ildən 2014-cü ilə qədər isə Mərkəzi Neftçilər Xəstəxanasında həkim-anestezioloq-reanimatoloq olaraq çalışıb.
Daha sonra fəaliyyətini Azərbaycan Tibb Universitetinin Anestezilogiya-reanimasiya şöbəsinin müdiri kimi davam etdirib.
Xatırladaq ki, ötən ilin dekabr ayının 16-da Bakı Ağır Cinayətlər Məhkəməsində "Yeni Klinika"nın sabiq baş həkimi Pərviz Abbasov 8 il 6 ay azadlıqdan məhrum edilib. O, rüşvət alaraq koronavirus xəstələrini klinikaya yerləşdirməkdə itiham edilir.
Xəbər lenti
0