https://sputnik.az/20220715/azerbaycan-xn-rehberi-mekan-sanquliyevi-qebul-edib-444015315.html
Azərbaycan XİN rəhbəri Mekan İşanquliyevi qəbul edib
Azərbaycan XİN rəhbəri Mekan İşanquliyevi qəbul edib
Sputnik Azərbaycan
Nazir Ceyhun Bayramov ölkələrimiz arasında dost və qardaşlıq münasibətlərinin inkişafı naminə uğurlu fəaliyyətinə görə Türkmənistan səfirinə təşəkkür edib. 15.07.2022, Sputnik Azərbaycan
2022-07-15T12:58+0400
2022-07-15T12:58+0400
2022-07-15T12:58+0400
xin
siyasət
ceyhun bayramov
https://cdnn1.img.sputnik.az/img/07e6/07/0f/444015161_0:299:3072:2027_1920x0_80_0_0_31b2fef304c4dd5bd71a0a4ce96d50a9.jpg
BAKI, 15 iyul — Sputnik. Xarici işlər naziri Ceyhun Bayramov Türkmənistanın ölkəmizdəki fövqəladə və səlahiyyətli səfiri Mekan İşanquliyevi ölkəmizdəki diplomatik fəaliyyətinin başa çatması ilə əlaqədar qəbul edib. Bu barədə Azərbaycan XİN-in mətbuat xidməti məluat yayıb.Nazir Ceyhun Bayramov ölkələrimiz arasında dost və qardaşlıq münasibətlərinin inkişafı naminə uğurlu fəaliyyətinə görə Türkmənistan səfirinə təşəkkür edib və səfirə gələcək fəaliyyətində müvəffəqiyyətlər arzulayıb. Azərbaycanla Türkmənistan arasında müxtəlif formatlarda artan tərəfdaşlığın və dialoqun, yüksək səviyyəli mütəmadi səfərlər və görüşlərin, dostluq dənizi olan Xəzər dənizində əldə edilmiş razılaşmaların və genişlənən əməkdaşlığın tarixi əhəmiyyəti vurğulanıb.Səfir Mekan İşanquliyev Azərbaycanda doğma vətənindəki kimi fəaliyyət göstərdiyini qeyd edərək, xalqlarımız və ölkələrimiz arasında tarixi, mədəni və etnik birliyə əsaslanan əlaqələrdən məmnunluğunu diqqətə çatdırıb. Siyasi, iqtisadi, ticarət, nəqliyyat və tranzit kimi istiqamətlərdə əməkdaşlığın daha da inkişafı üçün potensialın olduğunu bildirib.Görüş zamanı ikitərəfli əməkdaşlıq gündəliyi, regional sülh quruculuğu səyləri və qarşılıqlı maraq doğuran digər məsələlər müzakirə edilib.Nazir Ceyhun Bayramov səfir İşanquliyevə ən xoş arzularını çatdırıb.
Sputnik Azərbaycan
media@sputniknews.com
+74956456601
MIA „Rosiya Segodnya“
2022
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
xin, ceyhun bayramov
Azərbaycan XİN rəhbəri Mekan İşanquliyevi qəbul edib
Nazir Ceyhun Bayramov ölkələrimiz arasında dost və qardaşlıq münasibətlərinin inkişafı naminə uğurlu fəaliyyətinə görə Türkmənistan səfirinə təşəkkür edib.
BAKI, 15 iyul — Sputnik. Xarici işlər naziri Ceyhun Bayramov Türkmənistanın ölkəmizdəki fövqəladə və səlahiyyətli səfiri Mekan İşanquliyevi ölkəmizdəki diplomatik fəaliyyətinin başa çatması ilə əlaqədar qəbul edib. Bu barədə Azərbaycan XİN-in mətbuat xidməti məluat yayıb.
Nazir Ceyhun Bayramov ölkələrimiz arasında dost və qardaşlıq münasibətlərinin inkişafı naminə uğurlu fəaliyyətinə görə Türkmənistan səfirinə təşəkkür edib və səfirə gələcək fəaliyyətində müvəffəqiyyətlər arzulayıb. Azərbaycanla Türkmənistan arasında müxtəlif formatlarda artan tərəfdaşlığın və dialoqun, yüksək səviyyəli mütəmadi səfərlər və görüşlərin, dostluq dənizi olan Xəzər dənizində əldə edilmiş razılaşmaların və genişlənən əməkdaşlığın tarixi əhəmiyyəti vurğulanıb.
Səfir Mekan İşanquliyev Azərbaycanda doğma vətənindəki kimi fəaliyyət göstərdiyini qeyd edərək, xalqlarımız və ölkələrimiz arasında tarixi, mədəni və etnik birliyə əsaslanan əlaqələrdən məmnunluğunu diqqətə çatdırıb. Siyasi, iqtisadi, ticarət, nəqliyyat və tranzit kimi istiqamətlərdə əməkdaşlığın daha da inkişafı üçün potensialın olduğunu bildirib.
Görüş zamanı ikitərəfli əməkdaşlıq gündəliyi, regional sülh quruculuğu səyləri və qarşılıqlı maraq doğuran digər məsələlər müzakirə edilib.
Nazir Ceyhun Bayramov səfir İşanquliyevə ən xoş arzularını çatdırıb.
