Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Uşaqlarda mədə-bağırsaq infeksiyaları artıb - Baş pediatr

© Sputnik / Pavel Lisitsyin / Fotobanka keçməkXəztə uşaq, arxiv şəkli
Xəztə uşaq, arxiv şəkli - Sputnik Azərbaycan, 1920, 13.07.2022
Xəbərlərə abunə olun
Yandex newsTelegram
Erkin Rəhimov deyib ki, qızdırma, qusma, ishal əsas əlamətlar arasındadır.
BAKI, 13 iyul — Sputnik. "Yay mövsümündə uşaqlarda mədə-bağırsaq infeksiyalarına çox rast gəlinir".
Bunu Səhiyyə Nazirliyinin mütəxəssis-eksperti, pediatr Erkin Rəhimov deyib.
E.Rəhimovun sözlərinə görə, bu qəbildən olan rotavirus ilk sıradadır. "Qızdırma, qusma, ishal əsas əlamətlar arasındadır. Adenovirusa nisbətdə daha aqressivdir. Uşaq hər yediyini qaytarır. Adenovirusda isə qızdırma nisbətən daha aşağı olur. İshal bu virusa daha xasdır", həkim qeyd edib.
Erkin Rəhimov söyləyib ki, təmizliyə tam riayət olunsa da, uşaqlar infeksiyaya yoluxa, xəstələnə bilər. Onun sözlərinə görə, təmizlik ifrat dərəcədə olmamalıdır: "Hər şeyi strelizə etmək düzgün deyil. Mikrob olmazsa bədən özü ilə mübarizəyə başlayır. Əgər təmizliyə tam riayət olunursa və uşaq tez-tez xəstələnirsə uşağı araşdırmaq lazımdır. Həmin uşaqda immunitet çatışmazlığı ola bilər. Uşaq olan evdə böyük, məktəbə gedən bacı və ya qardaş varsa, uşaq bu zaman da tez-tez xəstələnə bilər. Məktəbə gedən uşaq xəstə olmasa belə çöldən infeksiya gətirə bilər", - deyə həkim bildirib.
Xəbər lenti
0