Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Sabah Azərbaycan və Gürcüstanın dörd şəhəri qardaşlaşacaq

© Sputnik / Irade JELILDaşkəsən
Daşkəsən - Sputnik Azərbaycan, 1920, 12.07.2022
Xəbərlərə abunə olun
Yandex newsTelegram
Anlaşma Memorandumları iyulun 13-də səfirliyin təşkilatçılığı ilə Kvemo Kartli regionunun qubernatoru Giorgi Doxturişvilinin rəhbərlik etdiyi nümayəndə heyətinin Azərbaycana səfəri çərçivəsində imzalanacaq.
BAKI, 12 iyul - Sputnik. Azərbaycanın Şəmkir, Ağstafa, Göygöl və Daşkəsən şəhərləri Gürcüstanın müvafiq olaraq Marneuli, Qardabani, Bolnisi və Dmanisi şəhərləri ilə qardaşlaşacaq.
Bu barədə Azərbaycanın Gürcüstandakı səfirliyindən məlumat verilib.
Şəhərlərin qardaşlaşmasına dair Anlaşma Memorandumları iyulun 13-də səfirliyin təşkilatçılığı ilə Kvemo Kartli regionunun qubernatoru Giorgi Doxturişvilinin rəhbərlik etdiyi nümayəndə heyətinin Azərbaycana səfəri çərçivəsində imzalanacaq.
Nümayəndə heyətinə qubernatorun müavinləri, həmçinin Kvemo Kartlinin Rustavi, Bolnisi, Qardabani, Dmanisi, Tetritskaro, Marneuli və Tsalka şəhərlərinin merləri, o cümlədən digər rəsmi şəxslər də daxildir.
Səfər çərçivəsində bir neçə dövlət qurumunda görüşlər də keçiriləcək (Report).
Qeyd edək ki, Gürcüstandakı səfirliyimizin təşkilatçılığı ilə ötən ilin iyul ayında Tbilisi şəhərinin meri Kaxa Kaladzenin Bakı şəhərinə səfəri baş tutub və səfər çərçivəsində iyulun 13-də Bakı ilə Tbilisi şəhərləri arasında Qardaşlaşma haqqında Anlaşma Memorandumu imzalanıb.
Xəbər lenti
0