Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Sahibə Qafarova Böyük Britaniyada səfərdədir

© Photo : Milli MejlisSahibə Qafarova TÜRKPA-nın Şura iclasında
Sahibə Qafarova TÜRKPA-nın Şura iclasında - Sputnik Azərbaycan, 1920, 11.07.2022
Xəbərlərə abunə olun
Yandex newsTelegram
Milli Məclisin sədri Sahibə Qafarova Böyük Britaniya və Şimali İrlandiya Birləşmiş Krallığına rəsmi səfər edib
BAKI, 11 iyul - Sputnik. İyulun 11-də Milli Məclisin sədri Sahibə Qafarovanın başçılığı ilə parlament nümayəndə heyəti Böyük Britaniya və Şimali İrlandiya Birləşmiş Krallığına rəsmi səfər edib.
Milli Məclisin Mətbuat və ictimaiyyətlə əlaqələr şöbəsindən bildirilib ki, Londonun “Hitrou” beynəlxalq hava limanında nümayəndə heyətini Azərbaycanın Birləşmiş Krallıqdakı səfiri Elin Süleymanov və digər rəsmi şəxslər qarşılayıblar.
Nümayəndə heyətinin tərkibinə Milli Məclisin Azərbaycan-Böyük Britaniya parlamentlərarası əlaqələr üzrə işçi qrupunun rəhbəri Soltan Məmmədov, deputatlardan Rafael Hüseynov, Afət Həsənova, Anatoliy Rafailov, parlament Aparatının rəhbəri Fərid Hacıyev və digər rəsmi şəxslər daxildirlər.
Səfər çərçivəsində spiker Sahibə Qafarovanın Birləşmiş Krallıq parlamentinin İcmalar Palatasının və Lordlar Palatasının sədrləri və digər ölkə rəsmiləri ilə görüşləri nəzərdə tutulub.
Görüşlərdə parlamentlərarası əlaqələrimizin bu günü və gələcək inkişaf perspektivləri, ikitərəfli və çoxtərəfli formatda əməkdaşlığın genişləndirilməsi və digər məsələlər barədə fikir mübadiləsi aparılacaq.
Səfər iyulun 13-də başa çatacaq.
Xəbər lenti
0