CƏMİYYƏT
Cəmiyyətin həyatında baş verən aktual hadisələr

İki nazirlik gücləndirilmiş rejimə keçdi - Bayrama görə

© Photo : Ministry of Internal Affairs (Azerbaijan)PPX
PPX - Sputnik Azərbaycan, 1920, 08.07.2022
Abunə olmaq
FHN və DYP əhaliyə Qurban bayramı günləri ilə bağlı çağırış edib.
BAKI, 8 iyul — Sputnik. Fövqəladə Hallar Nazirliyi (FHN) Qurban bayramı ilə əlaqədar gücləndirilmiş iş rejimində çalışacaq. Bu barədə nazirlikdən məlumat verilib. Bildirilib ki, fövqəladə hallar naziri general-polkovnik Kəmaləddin Heydərovun bununla bağlı imzaladığı əmrə əsasən, Qurban bayramı ilə əlaqədar qeyri-iş günlərində vətəndaşların həyat və fəaliyyətinin təhlükəsizliyinin təmin edilməsi, insanların daha çox toplaşdığı məkanlarda, həyat təminatı və digər mühüm əhəmiyyətli obyektlərdə baş verə biləcək fövqəladə hadisələrə çevik reaksiya verilməsi, onların mümkün nəticələrinin operativ şəkildə aradan qaldırılması işinin təşkil edilməsi məqsədilə Nazirliyin aidiyyəti struktur bölmə və qurumlarına müvafiq tapşırıqlar verilib.
Bakı şəhər Dövlət Yol Polisi İdarəsi (DYP) də sürücülərə müraciət edib. İdarənin baş inspektoru, polis mayoru Araz Əsgərli bildirib ki, Qurban Bayramı günlərində yol polisi gücləndirilmiş qaydada xidmət göstərəcək:
"Dəyərli xalqımız islam dünyasının böyük rəğbətlə qeyd etdiyi, hər bir müəsəlman üçün əziz olan Qurban bayramınızı təbrik edir və bu bayram günlərini təhlükəsiz şəraitdə keçirilməsini arzu edirik. Bayram günlərində bir sıra yol hərəkəti qaydalarını unutmamağı, əsasən yolların hətəkət istiqamətlərinin zəbt edilərək dayanma durma tələblərini pozmamağı və digər vətəndaşlarımızın rahat və fasiləsiz hərəkətlərinə maneyə yaratmamağı. Uzaq məsafələrə səfərlər zamanı yuxu və istirahət rejimlərinə əməl etməyi, səfər öncəsi avtomobillərinizin sazlığına diqqət yrtirməyi xahiş edirik! Hər birinizin rahatlığının təmin olunması üçün bütün bayram günləri xidmətimizi gücləndirilmiş qaydada təmin etməyimizin bir məqsədi var oda Sizin təhlükəsizliyinizin yüksək səviyyədə təmin olunmasıdır. Bir daha hər birinizə xoş istirahətlər və neqativ hallarla yadda qalmayan bayram arzu edirik!"
Xəbər lenti
0