Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Ermənilərin Qarabağla bağlı filminin nümayiş olunmasının qarşısı alınıb

© AFP 2022 / CLEMENT MAHOUDEAUBoş kinoteatr zalı
Boş kinoteatr zalı - Sputnik Azərbaycan, 1920, 08.07.2022
Xəbərlərə abunə olun
Yandex newsTelegram
Bişkekdəki Aytmatov adına Kino Evində rejissor Nora Martirosyanın Ermənistan-Azərbaycan münaqişəsində erməni təbliğatının daha bir vasitəsi olan "Əgər külək əsərsə" filminin nümayişi ləğv olunub
BAKI, 8 iyul — Sputnik. Qırğızıstan paytaxtında erməni təxribatının qarşısı alınıb. Belə ki, Qırğızıstanda fəaliyyət göstərən Azərbaycan diasporunun müdaxiləsi nəticəsində Bişkek şəhərindəki Kino Evində Fransa-Ermənistan-Belçika istehsalı olan təxribat xarakterli "Əgər külək əsərsə" ("Si Le Vent Tombe") filminin nümayişi baş tutmayıb.
Diasporla İş üzrə Dövlət Komitəsindən bildiriblər ki, bu, diaspor rəhbərlərinin ölkənin mədəniyyət, informasiya və turizm naziri Cavankul Azamat, "İssık-Kul Forumu" Beynəlxalq İctimai Birliyinin rəhbəri Əskər Aytmatov və Çingiz Aytmatov adına Respublika Kino Evinin direktoru Gülmira Kərimova ilə apardıqları danışıqlardan sonra mümkün olub. Soydaşlarımız təxribat xarakterli filmin türk dövlətində nümayiş olunmasına kəskin etirazlarını bildiriblər və diasporumuzun duruma uyğun müvafiq addımlar atacaqları barədə xəbərdarlıq ediblər.
Qeyd edək ki, erməni rejissoru Nora Martirosyanın çəkdiyi filmdəki hadisələr Azərbaycanın işğal altındakı torpaqlarında cərəyan edir. Film ölkəmizə və xalqımıza qarşı düşmənçilik hissinin gücləndirilməsi məqsədilə ərsəyə gətirilib.
"Alliance Francaise Bişkek" şirkətinin təşkilatçılığı ilə fransız dilində çəkilən filmin rusca alt yazısı ilə 2022-ci il 8 iyul tarixində saat 11:00-da Bişkek şəhərində yerləşən Kino Evində tamaşaçılara təqdim olunması nəzərdə tutulmuşdu.
Qeyd edək ki, 2020-ci ildə sözügedən filmin Kann Festivalında nümayişinə Azərbaycan tərəfi etiraz etmişdi.
Xəbər lenti
0