Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Ədliyyə Nazirliyi hərbçinin vəfatı ilə bağlı açıqlama yayıb

© Sputnik / Pəri AbbaslıƏdliyyə nazirliyi
Ədliyyə nazirliyi - Sputnik Azərbaycan, 1920, 08.07.2022
Xəbərlərə abunə olun
Yandex newsTelegram
Aynur Sabitovanın sözlərinə görə, İdarənin əməkdaşları tərəfindən dərhal təcili tibbi yardım briqadası çağırılsa da, I Qarabağ müharibəsinin iştirakçısı olmuş hərbçinin həyatını xilas etmək mümkün olmayıb.
BAKI, 8 iyul- Sputnik. İyulun 7-də vətəndaş Şahmurad Məmmədov borclu olduğu məhkəmə qərarının icrası işi ilə bağlı Sumqayıt şəhəri İcra idarəsində olarkən qəflətən halı pisləşərək dünyasını dəyişib.
Ədliyyə Nazirliyi İnsan hüquqları və ictimaiyyətlə əlaqələr idarəsinin rəisi Aynur Sabitovanın sözlərinə görə, İdarənin əməkdaşları tərəfindən dərhal təcili tibbi yardım briqadası çağırılıb, habelə ona ilkin tibbi yardım göstərilib.
Lakin ürək xəstəliyindən əziyyət çəkən Şahmurad Məmmədovun həyatını xilas etmək mümkün olmayıb.
"Baş vermiş qəfləti ölümlə əlaqədar Sumqayıt şəhər prokurorluğuna dərhal məlumat verilib və müvafiq araşdırma aparılır. Bildirilir ki, məhkəmə qərarına əsasən Şahmurad Məmmədovun borcla bağlı ödənişi onun təqaüdünün (1.043 manat) cəmi 25 faizinə yönəldilib", - A.Sabitova bildirib.
O, əlavə edib ki, Şahmurad Məmmədov özü hərbçi olub, I Qarabağ müharibəsində iştirak edib.
Xəbər lenti
0