Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Dövlət Xidməti Baş Prokurorluğa müraciət edib

© Official website of President of Azerbaijan RepublicBaş Prokurorluğun binası
Baş Prokurorluğun binası - Sputnik Azərbaycan, 1920, 05.07.2022
Xəbərlərə abunə olun
Yandex newsTelegram
Satınalmalarla bağlı keçirilmiş açıq tenderdəki qanun pozuntuları barədə protokollar Fövqəladə Hallar Nazirliyi tərəfindən Dövlət Xidmətinə təqdim edilib.
BAKI, 5 iyul — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti dövlət satınalmalarında ciddi qanun pozuntusu ilə əlaqədar Baş Prokurorluğa müraciət edib.
Fövqəladə Hallar Nazirliyinin (FHN) Maddi-Texniki Təchizat İdarəsinin Dövlət Xidmətinə təqdim etdiyi yekun protokollar təhlil edilərkən müəyyən olunub ki, elektron satınalma vasitəsilə keçirilmiş açıq tenderlərdə iştirak üçün bəzi dövlət orqanları və maliyyə institutları adından təqdim edilən sənədlər saxtalaşdırılıb.
Belə ki, müxtəlif atributların və hesablama texnikası, avadanlıqlar və isitmə-soyutma sistemlərinin təmiri işləri və texniki xidmətin satın alınması üzrə keçirilmiş açıq tender prosedurlarında iştirak edən “Standart TT 2022” MMC, “Business Connection” MMC və “Furniture Art” MMC-yə aid bank arayışları və digər sənədlərə müdaxilə edilməklə saxtalaşdırılıb və dövlət satınalmalarının vahid internet portalına yüklənib.
Qeyd edək ki, satınalmalarla bağlı keçirilmiş açıq tenderdəki qanun pozuntuları barədə protokollar Fövqəladə Hallar Nazirliyi tərəfindən Dövlət Xidmətinə təqdim edilib.
Xəbər lenti
0