https://sputnik.az/20220705/dayazlasmanin-qarsisini-nece-almali-nazir-muavini-xezeryani-dovletlere-seslendi-443699515.html

Dayazlaşmanın qarşısını necə almalı? Nazir müavini Xəzəryanı dövlətlərə səsləndi

Dayazlaşmanın qarşısını necə almalı? Nazir müavini Xəzəryanı dövlətlərə səsləndi

Sputnik Azərbaycan

Hacıyev bildirib ki, iqlim dəyişmələri səbəbindən Xəzər dənizinin səviyyəsinin aşağı düşməsi region üçün potensial təhlükəyə çevrilib 05.07.2022, Sputnik Azərbaycan

2022-07-05T13:40+0400

2022-07-05T13:40+0400

2022-07-05T13:40+0400

xəzər dənizi

azərbaycan xəbərləri

nazir müavini

dayaz sular

https://cdnn1.img.sputnik.az/img/07e6/06/1e/443533011_0:104:2000:1229_1920x0_80_0_0_12d284a8b86660855cb2f52159c6d9fb.jpg

BAKI, 5 iyul — Sputnik. Azərbaycanın bütün ərazisində bu müddət ərzində yağıntının miqdarı nəzərə çarpacaq dərəcədə azalıb. Bunu ekologiya və təbii sərvətlər nazirinin müavini Rauf Hacıyev "İqlim dəyişmələri şəraitində Xəzər dənizinin səviyyə tərəddüdləri, proqnoz və uyğunlaşma tədbirləri" mövzusunda keçirilən beynəlxalq konfransda çıxışı zamanı deyib.Nazir müavini qeyd edib ki, iqlim dəyişmələri son 30 il ərzində Xəzər dənizinin hövzəsində özünü daha həssas şəkildə göstərib. Bunun nəticəsində Xəzər dənizinin sahil boyunda yaşayan əhali ciddi iqlim dəyişmələrinin, dənizin su səviyyəsinin tərəddüdünün, sel və quraqlıqların mənfi təsirlərinə daha çox məruz qalıblar. O bildirib ki, bunun müqabilində isə orta aylıq temperaturun yüksəlməsi gözlənilir. İqlim dəyişmələri səbəbindən Xəzər dənizinin səviyyəsinin aşağı düşməsi region üçün potensial təhlükəyə çevrilib. Dənizə tökülən çayların suyunun azalması yağıntıların miqdarının azalması ilə bərabər, həm də çay sularından kənd təsərrüfatının artan tələbatının ödənilməsinə yönəldilməsi ilə də izah edilir.O qeyd edib ki, Xəzər dənizinin ətraf mühitinin bugünkü vəziyyəti ilə əlaqədar bütün sahilyanı dövlətlər narahatlıq keçirir: "Azərbaycan Xəzər dənizinin ekoloji problemlərinin həlli üçün əməkdaşlığın genişləndirilməsində maraqlıdır. Xəzərin bioloji su ehtiyatlarının qorunub saxlanması və səmərəli istifadəsi üzrə komissiya çərçivəsində Xəzəryanı dövlətlərin qarşılıqlı fəaliyyəti davam edir. Beləliklə, Xəzər dənizinin ekoloji problemlərinin həlli regional əhəmiyyət kəsb etdiyinə görə Xəzəryanı dövlətlərin əməkdaşlığının müqavilə-hüquqi bazasının möhkəmlənməsinə xüsusi diqqət yetirilir. Bununla əlaqədar hidrometeorologiya, nəqliyyat, suyun bioloji ehtiyatlarının qorunub saxlanması və səmərəli istifadəsi, fövqəladə halların qarşısının alınması və nəticələrinin aradan qaldırılması sahələrində sazişlər imzalanıb və qüvvəyə minib".R.Hacıyev bildirib ki, ilin sonunda Bakıda "Xəzər dənizinin dəniz ətraf mühitinin mühafizəsi haqqında" Çərçivə Konvensiyasının tərəflərinin VI konfransının, eləcə də oktyabr ayında Xəzər dənizinin hidrometeorologiyası üzrə Koordinasiya Komitəsinin növbəti - 6-cı sessiyasının keçirilməsi nəzərdə tutulub: “Dənizin səviyyəsinin dəyişməsi uzun illər boyu müşahidə edilir və təəssüf ki, səviyyənin aşağı düşməsi dinamikası narahatlıq doğurur. İnanırıq ki, ekoloji fəlakətin səbəblərinin aşkar edilməsi və Xəzərin bundan sonrakı dayazlaşmasının qarşısını almağa yönəlmiş tədbirlərin müəyyənləşdirilməsində bu konfransda aparılacaq müzakirələr nəticə etibarı ilə müəyyən qədər öz töhfəsini vermiş olacaq".

2022

xəbərlər

ru_AZ

xəzər dənizi, nazir müavini, dayaz sular