Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Meymunçiçəyinə yoluxanların əksəriyyəti 21-40 yaş arası insanlardır - ÜST

© Photo : CDC's Public Health Image LibraryMeymeunçiçəyi əlamətləri, arxiv şəkli
Meymeunçiçəyi əlamətləri, arxiv şəkli - Sputnik Azərbaycan, 1920, 02.07.2022
Xəbərlərə abunə olun
Yandex newsTelegram
Azərbaycanda meymunçiçəyi xəstəliyinin diaqnostika və müalicəsi üzrə klinik protokol hazırlanıb.
BAKI, 2 iyul - Sputnik. Meymunçiçəyi virusuna yoluxanların 90 faizi Avropa regionunda qeydə alınıb. Azərtac bildirir ki, bunu ÜST Avropa üzrə regional direktoru Hans Kluge deyib.
Onun sözlərinə görə, yoluxma hallarının əksəriyyəti 21-40 yaş arası insanlardır. Onların 99 faizi kişilərdir:
"Xəstələrin təxminən 10 faizi müalicə və təcrid üçün xəstəxanaya yerləşdirilib. Onlardan biri reanimasiya şöbəsindədir".
Qurum nümayəndəsi bildirib ki, ictimai sağlamlıq üçün davam edən təhlükə və xəstəliyin sürətlə genişlənməsi üzündən ÜST meymunçiçəyi riskini diqqətdə saxlayır:
"Avropada meymunçiçəyi virusuna yoluxanların sayı son iki həftədə üç dəfə artıb və 4500-ü keçib, infeksiyanın yayılmasına qarşı təcili tədbirlər görülməlidir”.
Qeyd edək ki, Azərbaycanda meymunçiçəyi xəstəliyinin müalicəsində istifadə olunan dərman vasitələri və virusun müalicə müddəti açıqlanıb.
Bu, Səhiyyə Nazirliyi İctimai Səhiyyə və İslahatlar Mərkəzinin (İSİM) meymunçiçəyi xəstəliyinin diaqnostika və müalicəsi üzrə hazırladığı klinik protokolda öz əksini tapıb.
Qeyd olunub ki, xəstəliyi ağır keçirən və ağırlaşma riski yüksək olan pasiyentlər stasionar şəraitdə müalicə olunmalıdırlar.
Antiviral terapiyaya göstərişlər
Bildirilib ki, əksər xəstələrdə meymunçiçəyi yüngül formada keçdiyi üçün simptomatik müalicə kifayət edir. Lakin, xəstəliyi ağır keçirən və ağırlaşma riski yüksək olan xəstələr (məsələn, immunçatışmazlığı olan xəstələr, 8 yaşdan balaca uşaqlar, hamilə və ya süd verən qadınlar, septik ağırlaşması olan xəstələr) üçün antiviral müalicənin başlanılması məqsədəuyğundur.
Səpkilər tipik yerlərdə olmayan (məsələn, ağız, gözlər, genital bölgə) xəstələrdə də meymunçiçəyi infeksiyasına qarşı antiviral müalicə nəzərdən keçirilə bilər.
Protokola əsasən, meymunçiçəyi xəstəliyinin müalicəsi üçün hazırda tecovirimat ən faydalı hesab olunur. Bildirilib ki, tecovirimat ABŞ-da 2018-ci ildə meymunçiçəyi xəstəliyinin müalicəsi üçün təsdiq edilib, oral və venadaxili preparatları mövcuddur.
Uşaqlarda tecovirimat venadaxili və bədən çəkisi 13 kq-dan az olan hallarda tətbiq edilmir.
Müalicə müddəti 14 gündür. Böyrək çatışmazlığında oral forma üçün dozanın dəyişdirilməsi tələb olunmur. V/d formalarda kreatinin klirensi 30 mL/dəq-nin üzərində olarsa, dozanın dəyişdirilməsi tələb olunmur. Kreatinin klirensi 30 mL/dəq-nin altında olarsa istifadəsi tövsiyə olunmur.
Qusma olduğu halda təkrar doza
Tecovirimat kapsullarını qəbul etdikdən sonra 30 dəqiqə ərzində qusma baş verərsə, daha bir doza dərhal təyin edilə bilər.
Tecovirimat qəbul etdikdən 30 dəqiqədən çox vaxt keçdikdən sonra qusma baş verərsə, əlavə doza verilməməlidir və dərman qəbulu 12 saatdan sonra davam etdirilməlidir.
Tecovirimat kapsulları orta və ya yüksək yağ tərkibli qida qəbulundan sonra 30 dəqiqə ərzində qəbul edilməlidir. Tecovirimat kapsullarını udmaq mümkün olmayan xəstələr üçün kapsullar açıla bilər, tərkibi təxminən 30 mL (məsələn, süd) və ya yumşaq qida (məsələn, qatıq) ilə qarışdırıla bilər və yeməkdən sonra 30 dəqiqə ərzində qəbul edilir.
Ən çox bildirilən yan təsirlər baş ağrısı, ürəkbulanma və qarın ağrısıdır.
Yerli virusəleyhinə preparatlar buynuz zədələnməsi zamanı istifadə olunur. Triftortimidin yerli olaraq inəkçiçəyi virusunun göz forması zamanı istifadə olunur, meymunçiçəyi zamanı buynuz qişanın zədələnmələrində tətbiq edilə bilər.
Trifluridin göz damcısı (zədələnmiş gözə 9 damcı, hər gün).
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0