https://sputnik.az/20220701/naxcivanla-turkiye-arasinda-quru-serhedi-baglanib-resmi-aciqlama-443602160.html

Naxçıvanla Türkiyə arasında quru sərhədi bağlanıb? Rəsmi açıqlama

Naxçıvanla Türkiyə arasında quru sərhədi bağlanıb? Rəsmi açıqlama

Sputnik Azərbaycan

Dövlət Sərhəd Xidmətinin yaydığı məlumata görə, bu müddət ərzində yük daşımaları istisna olmaqla, ölkə ərazisinə yerüstü nəqliyyat ilə giriş-çıxış... 01.07.2022, Sputnik Azərbaycan

2022-07-01T18:55+0400

2022-07-01T18:55+0400

2022-07-01T18:55+0400

dsx

azərbaycan xəbərləri

naxçıvan

türkiyə

https://cdnn1.img.sputnik.az/img/41544/56/415445633_0:5:2000:1130_1920x0_80_0_0_5d5ddd792d1717a26fc366959e1dfa7f.jpg

BAKI, 1 iyul — Sputnik. Dövlət Sərhəd Xidməti Azərbaycanın Naxçıvan Muxtar Respublikası ilə Türkiyə arasında quru sərhədinin bağlanması barədə xəbərlərə münasibət bildirib.Dövlət Sərhəd Xidmətindən (DSX) bildirilib ki, DSX Nazirlər Kabinetinin 20 iyun 2022-ci il 232 nömrəli qərarına uyğun olaraq, müvafiq fəaliyyət göstərir.Xatırladaq ki, Nazirlər Kabinetinin "Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı əlavə tədbirlər haqqında" 20 iyun 2022-ci il tarixli qərarına əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2022-ci il 1 sentyabr saat 06:00-dək uzadılıb.Beləliklə, bu müddət ərzində yük daşımaları istisna olmaqla, ölkə ərazisinə yerüstü nəqliyyat ilə giriş-çıxış dayandırılması qüvvədə qalır.Qeyd edək ki, bu gün sosial şəbəkələrdə Naxçıvan-Türkiyə quru sərhədinin vətəndaşlar üçün bağlanması ilə bağlı məlumat yayılıb.Vətəndaşlara sərhəd-keçid məntəqələrində artıq Naxçıvandan quru yolu ilə Türkiyəyə keçməyə icazə verilməyəcəyinin bildirildiyi nəzərə çatdırılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

dsx, naxçıvan, türkiyə