Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Müharibə veteranlarına verilən müavinətlərə yenidən baxılacaq

© Sputnik / Murad OrujovVətən Müharibəsi qazisi
Vətən Müharibəsi qazisi - Sputnik Azərbaycan, 1920, 28.06.2022
Xəbərlərə abunə olun
Yandex newsTelegram
"Biz müharibə veteranlarını daha çox məşğulluğa cəlb etmək istəyirik. Çünki onlar əmək qabiliyyəti olan şəxslərdir", - deyə nazir bildirib
BAKI, 28 iyun - Sputnik. Komitə sədri Siyavuş Novruzovun Birinci və İkinci Qarabağ müharibəsi iştirakçıları arasında ayrıseçkiliyə yol verilməməsi barədə çağırışına Milli Məclisin bugünkü iclasında iştirak edən əmək və əhalinin sosial müdafiəsi naziri Sahil Babayev cavab verib.
Nazir bildirib ki, Birinci və İkinci Qarabağ müharibəsi veteranlarına heç bir halda fərq qoyulmur və qoyulmayacaq: “Bu, dövlət siyasətidir”.
S.Babayev deputatın digər təklifinə, müharibə veteranlarının müavinətlərinin 80 AZN-dən 130 AZN-ə qaldırılması barədə təklifinə cavabında bildirib ki, 2 il öncə müharibə iştirakçılarına verilən müavinətlər 50 faizdən çox artırılıb: “Sosial ödənişlərlə bağlı daimi islahatlar fonunda bu məsələyə də yenidən baxılacaq. Amma biz müharibə veteranlarını daha çox məşğulluğa cəlb etmək istəyirik. Çünki onlar əmək qabiliyyəti olan şəxslərdir”.
Qeyd edək ki, Milli Məclisin növbədənkənar iclasında ümumilikdə 15 məsələ müzakirə edilir.
Xəbər lenti
0