Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

"Ətraf mühitin mühafizəsi sahəsində fərqlənməyə görə" medalın əsasnaməsi təsdiqlənib

© Joe Raedle / Getty Images / AFPimza
imza - Sputnik Azərbaycan, 1920, 28.06.2022
Xəbərlərə abunə olun
Yandex newsTelegram
Prezident İlham Əliyev "Ətraf mühitin mühafizəsi sahəsində fərqlənməyə görə" medalın əsasnaməsinə görə, medal döşün sol tərəfinə, Azərbaycanın digər orden və medalları olduqda, onlardan sonra taxılır.
BAKI, 28 iyun — Sputnik. Prezident İlham Əliyev "Ətraf mühitin mühafizəsi sahəsində fərqlənməyə görə" medalın əsasnaməsini təsdiq edib. Əsasnaməyə görə, "Ətraf mühitin mühafizəsi sahəsində fərqlənməyə görə" Azərbaycan medalı ilə Azərbaycan vətəndaşları, əcnəbilər və vətəndaşlığı olmayan şəxslər aşağıdakı xidmətlərinə görə təltif edilirlər.
- ətraf mühitin mühafizəsi ilə bağlı mühüm layihələrin hazırlanmasında və onların həyata keçirilməsində fəal iştiraka görə;
- ətraf mühitin mühafizəsi ilə bağlı obyektiv informasiyanın yayılmasına və görülən işlərin təbliğinə verilən töhfəyə görə;
- ətraf mühitin mühafizəsi ilə bağlı Azərbaycan Respublikasının beynəlxalq əlaqələrinin inkişaf etdirilməsində və möhkəmləndirilməsində göstərilən xidmətlərə görə.
"Ətraf mühitin mühafizəsi sahəsində fərqlənməyə görə" Azərbaycan medalı ilə bu Əsasnamənin 1-ci maddəsində göstərilən şəxslər müvafiq icra hakimiyyəti orqanının müəyyən etdiyi orqan (Ekologiya və Təbii Sərvətlər Nazirliyi) tərəfindən təltif edilirlər.
Medalın taxılma qaydasına gəlincə, medal döşün sol tərəfinə, Azərbaycanın digər orden və medalları olduqda, onlardan sonra taxılır.
Dövlət başçısı eyni zamanda "Ətraf mühitin mühafizəsi sahəsində fərqlənməyə görə" medalın təsvirini də təsdiqləyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0