Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Azərbaycan və Qırğızıstan arasında hava əlaqəsi yaradılır

© Photo : AZALAZAL təyyarəsi
AZAL təyyarəsi - Sputnik Azərbaycan, 1920, 28.06.2022
Abunə olmaq
"Azərbaycan Respublikası Hökuməti ilə Qırğız Respublikası Nazirlər Kabineti arasında hava əlaqəsi haqqında" Saziş 2022-ci il aprelin 20-də Bakı şəhərində imzalanmışdı
BAKI, 28 iyun - Sputnik. Azərbaycan və Qırğız Respublikaları arasında hava əlaqəsi yaradılır.
Bu, Milli Məclisin plenar iclasında müzakirə edilən “Azərbaycan Respublikası Hökuməti ilə Qırğız Respublikası Nazirlər Kabineti arasında hava əlaqəsi haqqında” Sazişin təsdiq edilməsi barədə” qanun layihəsində qeyd olunub.
Qanun layihəsində bildirilib ki, tərəflər bu sazişi öz dövlətlərinin müvafiq əraziləri arasında hava əlaqəsini yaratmaq məqsədilə razılığa gələrək imzalayıblar. Bu saziş razılığa gələn tərəflərin onun qüvvəyə minməsi üçün zəruri olan dövlətdaxili prosedurları yerinə yetirməsi barədə sonuncu yazılı bildirişin diplomatik kanallarla alındığı tarixdən qüvvəyə minir.
Saziş qeyri-müəyyən müddətə bağlanılıb.
Məsələ səsverməyə çıxarılaraq qəbul edilib.
"Azərbaycan Respublikası Hökuməti ilə Qırğız Respublikası Nazirlər Kabineti arasında hava əlaqəsi haqqında" Saziş 2022-ci il aprelin 20-də Bakı şəhərində imzalanıb.
Həmçinin Azərbaycanla Qırğızıstan arasında yeni şura yaradılır.
Milli Məclisin bu gün keçirilən iclasında “Azərbaycan Respublikası və Qırğız Respublikasının Dövlətlərarası Şurasının yaradılması haqqında” Memorandumun təsdiq edilməsi barədə Azərbaycan Respublikası qanununun layihəsi müzakirəyə çıxarılıb.
Sənəd səsverməyə qoyularaq qəbul edilib.
"Azərbaycan Respublikası və Qırğız Respublikasının Dövlətlərarası Şurasının yaradılması haqqında" sənəd 2022-ci il aprelin 20-də Bakı şəhərində imzalanıb.
Xəbər lenti
0