Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Zaqataladakı yolkənarı arxlar təhlükə saçır

© Sputnik / Ibrahim HashimovZaqataladay yol kənarındakı üstü açıq arxlar
Zaqataladay yol kənarındakı üstü açıq arxlar - Sputnik Azərbaycan, 1920, 25.06.2022
Xəbərlərə abunə olun
Yandex newsTelegram
Yerli icra hakimiyyəti problemin aradan qaldırılması üçün tender elan edib, sakinlər və sürücülər isə narahatdır.
BAKI, 25 iyun — Sputnik. Zaqatala şəhərində yolların kənarındakı arxlar əsl təhükə mənbəyinə çevrilib. Sputnik Azərbaycan-ın bölgə müxbirinin məlumatına görə, yağış sularının axıdılması üçün çəkilmiş arxların üstü açıqdır. Sakinlərinin sözlərinə görə, həmin bu arxların elə əvvəlcədən üzərində hər hansı bir örtücü vaistə olmayıb. Üstü açıq olduğu üçün bəzən bu arxlara zibil də atılır.
Rayon sakini Cəlaluddin Əliyev deyir ki, sözügedən suötürücülər avtomobil yollarının kənarında yerləşdiyi üçün nəqliyyat vasitələri üçün ciddi təhlükə yaradır.

"Üstü bağlansa, yaxşı olardı. Zibil atılmazdı, təmiz qalardı. Maşınlar da düşür, sürücülər bilmirlər, düşürlər. Qışda qar yağır, sürücülər bilmir ki, orada arx var, ya yox. Avtomobil düşür ora. Xüsusən də şəhərə yad olan sürücülər bu cür hallarla daha çox rastlaşırlar", - deyə C.Əliyev qeyd edib.

© Sputnik / Ibrahim HashimovZaqataladay yol kənarındakı üstü açıq arxlar
Zaqataladay yol kənarındakı üstü açıq arxlar - Sputnik Azərbaycan, 1920, 24.06.2022
Zaqataladay yol kənarındakı üstü açıq arxlar
Onun sözlərinə görə, günün qaranlıq saatlarında, eləcə də qış aylarında bu üstüaçıq arxlar daha çox təhlükəli olur.
Sürücü Həmzət Məmmədov da bu suötürücülərin üstü açıq olmasından zərər çəkən vətəndaşlardan biridir.

"Arxların üstünün açıq olması yaxşı deyil. Burada yaşayan adamam. Bizim tərəflər də soyuq yerlərdir. Qışda yol buz bağlayanda maşın azca sürüşsə, düşür arxa. İki il əvvəl güclü qar yağanda maşın sürüşüb getdi. Ön təkəri arxa düşüb dayandı. Xoşbəxtlikdən çox ziyan dəymədi. Üstünü dəmir barmaqlıqla və ya müəyyən bir vasitəylə bağlamaq olar. Onda təhlükəsiz olar", - deyə sürücü əlavə edib.

© Sputnik / Ibrahim HashimovZaqataladay yol kənarındakı üstü açıq arxlar
Zaqataladay yol kənarındakı üstü açıq arxlar - Sputnik Azərbaycan, 1920, 24.06.2022
Zaqataladay yol kənarındakı üstü açıq arxlar
Məsələ ilə bağlı Zaqatala şəhər icra nümayəndəliyinə müraciət etdik. Qurumdan bildirildi ki, küçələrin cari təmiri ilə əlaqədar vəsait şəhər icra nümayəndəliyinə ayrılır. Sözügedən ərazilərdə işlərin görülməsi üçün şəhər icra nümayəndəliyi tender elan edib.

"Tenderdə sifarişçi tərəfindən küçələrin təmiri ilə yanaşı, yolların kənarlarındakı arxların üstünün örtülməsi tələbi də qoyulub. Tender proseduru başa çatan kimi podratçı təşkilat həmin işləri həyata keçirəcək. Bütün bunlar təxminən 1 ay ərzində həyata keçiriləcək", - deyə icra nümayəndəliyindən bildirilib.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0