https://sputnik.az/20220625/tebb-in-tabeliyindeki-xestexanalarin-laboratoriyalari-yenilenir-443320357.html

TƏBİB-in tabeliyindəki xəstəxanaların laboratoriyaları yenilənir

TƏBİB-in tabeliyindəki xəstəxanaların laboratoriyaları yenilənir

Sputnik Azərbaycan

Artıq pasiyentlərin bəzi laborator analizləri vermək üçün özəl tibb müəssisələrinə müraciət etmələrinə ehtiyac qalmayacaq. 25.06.2022, Sputnik Azərbaycan

2022-06-25T07:29+0400

2022-06-25T07:29+0400

2022-06-25T07:29+0400

təbib

səhiyyə

laboratoriya

yenilənmə

https://cdnn1.img.sputnik.az/img/07e4/07/14/424482672_0:0:3072:1728_1920x0_80_0_0_b1b8c321b6cab5c2719556fccd2348fb.jpg

BAKI, 25 iyun — Sputnik. Tibbi Ərazi Bölmələrini İdarəetmə Birliyinin (TƏBİB) həyata keçirdiyi "Tibb müəssisələrinin laboratoriyalarının standartlaşdırılması" layihəsi çərçivəsində tabeli tibb müəssisələrinin laboratoriyalarının tamamilə yenilənməsinə başlanılıb.TƏBİB-dən verilən məlumata görə, layihə çərçivəsində "Sumqayıt Tibb Mərkəzi" (STM) publik hüquqi şəxsin tabeliyində olan tibb müəssisələrindəki tibbi laboratoriyalar beynəlxalq standartlara uyğun olaraq yenidən təsnif edilərək təşkil olunub.Mərkəzi Laboratoriyanın Biokimya, Hematologiya, Mikrobiologiya və İmmunologiya bölmələri fəaliyyətə başlayıb.Mərkəzi Laboratoriyanın fəaliyyəti pre-analitik, analitik və post-analitik mərhələnin tələblərinə uyğun olaraq təşkil edilib, bütün mərhələlərdə insan faktorunu və xətaları minimuma endirmək üçün sistem tam avtomatlaşdırılıb. Belə ki, laboratoriyalar "Sysmex", "Abbot", "Qiagen", "Biomerieux", "Siemens", "Nüve" kimi tanınmış xarici şirkətlərin tam avtomatlaşdırılmış biokimyəvi, immunokimyəvi, mikrobioloji, hematoloji və s. sistemləri ilə təchiz olunub.Laboratoriyalarda keyfiyyətə nəzarət üçün həm daxili, həm də xarici nəzarət proqramları tətbiq olunur. Avtomatlaşdırılmış sistemlərin tətbiqi ilə analiz nəticələrinin hazır olma müddəti dəfələrlə qısalıb, bütün analizatorların "E-Təbib" proqram təminatına, kodlaşdırılmış test nəticələrinin sistemə avtomatik inteqrasiyası təmin edilib.Artıq ambulator və stasionar pasiyentlər İcbari Tibbi Sığorta üzrə Dövlət Agentliyinin Xidmətlər Zərfinə daxil olan 600-dək laborator xidməti tam şəkildə, ən müasir tələblərə və protokollara uyğun olaraq əldə edə biləcəklər. Pasiyentlər analizlərinin nəticələrini analiz verdikləri tibb müəssisinə gəlməklə, həmçinin müəssisəyə gəlmədən onlayn şəkildə İcbari Tibbi Sığorta üzrə Dövlət Agentliyinin rəsmi internet saytı (www.its.gov.az) vasitəsi ilə əldə edə bilərlər.Qeyd edək ki, layihə çərçivəsində davamlı tibbi təhsil proqramı da tətbiq edilməkdədir. Proqrama uyğun olaraq laboratoriyaların həkim və laborantlarına, qanalma tibb bacılarına müasir nəzəri və praktik təlimlər keçirilir.Eyni zamanda, klinisistlərə laborator testlərin xəstəliklərin diaqnostikası üzrə beynəlxalq protokollara uyğun istək olunması və interpretasiyası üçün seminarlar keçirilir. Bu istiqamətdə təlim və seminarların bütün ixtisas sahələrini əhatə etməsi də nəzərdə tutulub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

təbib, laboratoriya, yenilənmə