Автомобильная авария, фото из архива - Sputnik Azərbaycan, 1920
HADİSƏ
Azərbaycanda və dünyada baş verən insident, olay və qəzalar

FHN əhaliyə qeyri-sabit hava şəraiti ilə bağlı xəbərdarlıq etdi - VİDEO

© Sputnik / Rahim MammadovGoranboyda sel sularının fəsadları
Goranboyda sel sularının fəsadları - Sputnik Azərbaycan, 1920, 22.06.2022
Xəbərlərə abunə olun
Yandex newsTelegram
FHN-in “112” qaynar telefon xəttinə daxil olan məlumata əsasən, güclü yağış nəticəsində Goranboy rayonunun Ağcakənd kəndindən qısamüddətli sel keçib və bəzi əraziləri su basıb.
BAKI, 22 iyun - Sputnik. FHN qeyri-sabit hava şəraiti ilə əlaqədar məlumat yayıb.
Nazirliyin yaydığı məlumata görə, qurum tərəfindən tərəfindən əvvəlcədən xəbərdarlıq edildiyi kimi, bu gün gündüz saatlarından başlayaraq respublikanın bir sıra ərazilərində hava şəraiti dəyişib, yağıntılı hava müşahidə olunub. Bəzi yerlərdə yağış xüsusilə intensiv xarakter alıb və müəyyən fəsadlar törədib.
Belə ki, FHN-in “112” qaynar telefon xəttinə daxil olan məlumata əsasən, güclü yağış nəticəsində Goranboy rayonunun Ağcakənd kəndindən qısamüddətli sel keçib və bəzi əraziləri su basıb.
Hadisə ilə bağlı dərhal aidiyyəti qurumlar məlumatlandırılıb, FHN-in müvafiq qüvvələri əraziyə cəlb olunub.
Hazırda göstərilən ərazidə selin fəsadlarının aradan qaldırılması istiqamətində müvafiq tədbirlər görülür.
Fövqəladə Hallar Nazirliyi bir daha əhaliyə müraciət edərək davam edən qeyri-sabit hava şəraiti ilə əlaqədar zəruri təhlükəsizlik qaydalarına riayət etməyə çağırır.
Daşqın, arxiv şəkli - Sputnik Azərbaycan, 1920, 22.06.2022
VİDEO
Sel Goranboyun dağ kəndində növbəti dəfə fəsad törədib - VİDEO
Xəbər lenti
0