CƏMİYYƏT
Cəmiyyətin həyatında baş verən aktual hadisələr

Üç sosial islahat paketi - 4 milyon vətəndaş: Nazir sosial müdafiə tədbirləri barədə

© Sputnik / Murad OrujovƏmək və Əhalinin Sosial Müdafiəsi naziri Sahil Babayev
Əmək və Əhalinin Sosial Müdafiəsi naziri Sahil Babayev - Sputnik Azərbaycan, 1920, 20.06.2022
Abunə olmaq
Layiqli Əmək üzrə Ölkə Proqramının (2022-2026) prioritetlərinin müəyyən olunmasına və gözlənilən nəticələrinə dair konfrans keçirilib.
BAKI, 20 iyun — Sputnik. "Azərbaycanda əhalinin sosial müdafiəsinin gücləndirilməsinə yönəlmiş siyasət BMT-nin 2030-cu ilədək Dayanıqlı İnkişaf üzrə Gündəliyinə tam uyğundur". Bunu əmək və əhalinin sosial müdafiəsi naziri Sahil Babayev Azərbaycan ilə Beynəlxalq Əmək Təşkilatı (BƏT) arasında yeni Layiqli Əmək üzrə Ölkə Proqramının (2022-2026) prioritetlərinin müəyyən olunmasına və gözlənilən nəticələrinə dair konfransda deyib.
Nazir ölkədə son üç il ərzində 4 milyon nəfəri əhatə edən, əlavə illik maliyyə dəyəri 6 milyard manat (təqribən 3,5 milyard ABŞ dolları) olan 3 sosial islahat paketinin həyata keçirildiyini vurğulayıb.
O, bu dövrdə sosial ödənişlərin 65 faiz, minimum pensiyanın 2,2 dəfə, orta pensiyanın 60 faiz, minimum əməkhaqqının 2,3 dəfə, illik əməkhaqqı fondunun iki dəfədən çox artdığını diqqətə çatdırıb:

"Yüz yetmiş üç sosial xidmətdən 110-nu e-platformadan, 48-i proaktiv qaydada təqdim edilib, 388 min nəfərə e-qaydada sosial ödəniş təyin edilib".

S.Babayev yeni istifadəyə verilən "Əmək və məşğulluq" altsisteminin əmək münasibətləri sahəsinə gətirdiyi innovativ yenilik və faydaları diqqətə çatdırıb. O, əmək hüquqlarının gücləndirilməsi və beynəlxalq norma və standartlara uyğun tənzimlənməsi üçün Əmək Məcəlləsinin 170 maddəsinə də dəyişikliklərin hazırlanaraq təqdim edildiyini bildirib.
(Report)
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0