DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Kabildə məbədə hücuma görə bu təşkilat məsuliyyəti öz üzərinə götürüb

© AP Photo / Jalaluddin SekandarKabildə sialhlı şəxslər, arxiv şəkli
Kabildə sialhlı şəxslər, arxiv şəkli - Sputnik Azərbaycan, 1920, 19.06.2022
Abunə olmaq
Hücum nəticəsində hindlilərdən başqa taliblərdən də bir nəfər ölüb, daha 7 nəfər yaralanıb.
BAKI, 19 iyun — Sputnik. Aamaj News xəbər verir ki, İŞİD terror qruplaşması (Rusiyada qadağan olunub) Kabildə induist məbədinə dünənki hücuma görə məsuliyyəti öz üzərinə götürüb.
Şənbə günü Kabilin şimalındakı Karte Pərvan məhəlləsindəki Əhli-Hinud induist məbədində ən azı beş partlayış baş verib, ərazi "Taliban" (Rusiyada qadağan olunub) yaraqlıları tərəfindən mühasirəyə alınıb və atışma olub.
Şənbə günü axşam saatlarında taliblərin nəzarətində olan Əfqanıstanın Bəxtar dövlət xəbər agentliyi hücumun terrorçuların məhv edilməsi ilə başa çatdığını bildirib.
"Təhlükəsizlik qüvvələri tez bir zamanda hücumun qarşısını almağa və hücum edənləri qısa müddətdə məhv etməyə nail olub. Cinayətkarların hücumu nəticəsində bir Hindistan vətəndaşı həlak olub, daha iki hindistanlı isə yaralanıb", - məlumatda deyilir.
Həmçinin bildirilib ki, hücum nəticəsində hindlilərdən başqa taliblərdən də bir nəfər ölüb, daha 7 nəfər yaralanıb.
Baş verənlərin digər təfərrüatları barədə məlumat verilmir.
Xəbər lenti
0