Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

İxtiraların xarici dövlətlərdə patentləşdirilməsi xərclərinin yarısını dövlət ödəyəcək

© Sputnik / Ilham MustafayevBağban Tahir Qurbanovun ixtira etdiyi qurğu
Bağban Tahir Qurbanovun ixtira etdiyi qurğu - Sputnik Azərbaycan, 1920, 16.06.2022
Xəbərlərə abunə olun
Yandex newsTelegram
Dövlət başçısı ixtiraçılıq fəaliyyətinin stimullaşdırılması haqqında fərman imzalayıb.
BAKI, 16 iyun - Sputnik. Azərbaycan Respublikası Prezidenti İlham Əliyev ixtiraçılıq fəaliyyətinin stimullaşdırılması haqqında fərman imzalayıb. Bu barədə Azərtac xəbər yayıb.
Fərmana əsasən Azərbaycan Respublikasında ixtiraçılıq fəaliyyətini stimullaşdırmaq və bu sahəyə dövlət dəstəyi göstərmək məqsədilə ixtiraların və faydalı modellərin Patent Əməkdaşlıq Sazişi (PCT) beynəlxalq sistemi vasitəsilə xarici dövlətlərdə patentləşdirilməsi və onların ilk üç il müddətində qüvvədə saxlanılması üçün Azərbaycan Respublikasının vətəndaşı olan hüquq sahiblərinin ödədikləri xərclərin 50 (əlli) faizi dövlət tərəfindən maliyyələşdiriləcək.
Azərbaycan Respublikasının Nazirlər Kabinetinə bununla bağlı nəzərdə tutulan xərclərin dövlət tərəfindən maliyyələşdirilməsi qaydasını Azərbaycan Respublikasının Prezidenti ilə razılaşdırmaqla üç ay müddətində təsdiq etmək və fərmandan irəli gələn digər məsələləri həll etmək tapşırılıb.
Sənədə əsasən, nəzərdə tutulan maliyyələşməni həyata keçirmək üçün tələb olunan vəsaitin hər il dövlət büdcəsindən Azərbaycan Respublikasının Əqli Mülkiyyət Agentliyinə ayrılmasını təmin etmək Azərbaycan Respublikasının Maliyyə Nazirliyinə tapşırılıb.
Azərbaycan Respublikasının Əqli Mülkiyyət Agentliyi isə bu fərmandan irəli gələn məsələlərin həlli üçün zəruri tədbirləri görəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Kartof - Sputnik Azərbaycan, 1920, 15.02.2022
İQTİSADİYYAT
Ölkədə yeni kartof sortu yetişdirilib
Xəbər lenti
0