Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Türkiyə Suriyada əməliyyata bu tarixdən başlaya bilər - İDDİA

© AFP 2022 / OMAR HAJ KADOURSuriyada Türkiyə hərbi kolonu, arxiv şəkli
Suriyada Türkiyə hərbi kolonu, arxiv şəkli - Sputnik Azərbaycan, 1920, 13.06.2022
Xəbərlərə abunə olun
Yandex newsTelegram
Türkiyənin "Hürriyet" nəşri yazır ki, əməliyyata başlamaq əmri 9-12 iyul tarixlərinə təsadüf edən Qurban bayramından dərhal sonra verilə bilər.
BAKI, 13 iyun — Sputnik. Türkiyə ordusu İraqın şimalındakı əməliyyatı başa çatdırdıqdan sonra Suriyada yeni hərbi əməliyyata başlaya bilər. Bu barədə Türkiyənin "Hürriyet" nəşri yazıb.
Bildirilib ki, əməliyyata başlamaq əmri 9-12 iyul tarixlərinə təsadüf edən Qurban bayramından dərhal sonra verilə bilər.
Türkiyə ordusu aprelin 18-dən Şimali İraqda "Pəncə-Qalxan" əməliyyatı həyata keçirir. Bu günə qədər Türkiyə Müdafiə Nazirliyinin məlumatına görə, Türkiyədə qadağan olunmuş PKK-nın 220-dən çox silahlısı, onların əsas bazaları, silah-sursat və ərzaq anbarları məhv edilib.
"Hürriyet"in məlumatına görə, Türkiyə Silahlı Qüvvələri Şimali İraqdakı əməliyyatı uğurla başa çatdırmaq istəyir, ona görə də Suriyada yeni əməliyyata İraqda hərbi əməliyyatların dayandırıldığı andan başlamalıdır. Digər tərəfdən, qəzet yazır ki, Türkiyə ordusunun Suriyanın şimalındakı hücumunun əsas istiqamətləri kimi müəyyən edilən Tell-Rifat və Mənbic üçün ordu qruplaşmasının formalaşdırılması hələ tam başa çatmayıb.
"Hürriyet" Türkiyə Prezidenti Rəcəb Tayyib Ərdoğanın Suriyada hər an əməliyyat başlaya biləcəyi ilə bağlı sözlərini xatırladır.
"Türkiyə Silahlı Qüvvələri buna tam hazır olmasa, əməliyyat başlamayacaq. Qurban bayramına diqqət yetirilməlidir, bundan sonra əməliyyata bir neçə gün ərzində deyil, hətta bir neçə saat ərzində başlamaq olar", - deyə türk hakimiyyətinə yaxınlığı ilə tanınan "Hürriyet"in köşə yazarı Abdulkadir Aksu yazır.
Xəbər lenti
0