https://sputnik.az/20220606/hakimiyyet-iqtisadiyyatda-seffaf-ve-edaletli-oyun-qaydalarini-formalasdiracaq---tokayev-442615306.html
Hakimiyyət iqtisadiyyatda şəffaf və ədalətli oyun qaydalarını formalaşdıracaq - Tokayev
Hakimiyyət iqtisadiyyatda şəffaf və ədalətli oyun qaydalarını formalaşdıracaq - Tokayev
Sputnik Azərbaycan
Qazaxıstanda konstitusiyaya dəyişikliklərlə bağlı referendumun nəticələrinə uyğun olaraq dövlət başçısının səlahiyyətləri azaldılır, Konstitusiya Məhkəməsi... 06.06.2022, Sputnik Azərbaycan
2022-06-06T19:34+0400
2022-06-06T19:34+0400
2022-06-06T19:34+0400
dünya xəbərləri
qazaxıstan
referendum
kasım-jomart tokayev
müraciət
https://cdnn1.img.sputnik.az/img/07e6/06/05/442571613_0:0:3072:1728_1920x0_80_0_0_d7eab12d2d122df62d0496682597fa2b.jpg
BAKI, 6 iyun - Sputnik. "Qazaxıstan Konstitusiyasına dəyişikliklərlə bağlı iyunun 5-də keçirilən referendumda vətəndaşların yüksək fəallığı cəmiyyətin yetkinliyinin göstəricisi oldu". TASS xəbər verir ki, bunu bazar ertəsi Qazaxıstan prezidenti Qasım-Jomart Tokayev xalqa müraciətində deyib.“Referendum ölkəmizin tarixində mühüm mərhələ oldu, millətin birliyini və real dəyişikliklərə hazır olduğunu göstərdi. Seçkilərin yüksək səviyyədə olması cəmiyyətimizin yetkinliyinin və məsuliyyətinin göstəricisi idi. Mən seçki məntəqəsinə gələn və ölkədə başlanan islahatları dəstəkləyən hər kəsə təşəkkür edirəm”, - deyə Tokayev bildirib.Onun sözlərinə görə, əsas qanuna dəyişikliklər son mərhələ deyil, islahatların yalnız başlanğıcıdır."Biz ölkənin hərtərəfli modernləşdirilməsini davam etdirəcəyik. Yenilənmiş konstitusiya əsasında biz bütün hakimiyyət institutlarının fəaliyyəti üçün daha səmərəli model yaradacağıq, onlar arasında nəzarət və tarazlıq mexanizmlərini gücləndirəcəyik", - deyə Qazaxıstan prezidenti izah edib.Prezident bildirib ki, Qazaxıstan hakimiyyəti iqtisadiyyatda şəffaf və ədalətli oyun qaydalarını formalaşdırmaq niyyətindədir:"Ardıcıl siyasi islahatlar milli iqtisadiyyatın inkişafına və milli sahibkarlığın güclənməsinə kömək edəcək. İndi biz iqtisadiyyatda şəffaf və ədalətli oyun qaydalarını formalaşdırmalı, qanunvericilikdə islahatlar aparmalıyıq. Bütün süni inhisarçılığın kökünü kəsmək və korrupsiyaya qarşı etibarlı sədd çəkmək vacibdir".Onun sözlərinə görə, iqtisadiyyatın həqiqətən şaxələndirilməsi üçün görüləsi işlər çoxdur. Yüksək məhsuldar kənd təsərrüfatının, güclü nəqliyyat və logistika sisteminin inkişafı, hər yerdə rəqəmsal ekosistemin formalaşdırılması üçün tədbirlər görmək lazımdır:“Biz ölkənin iqtisadi resurslarının dar bir qrup insanların əlində cəmləşməsinə səbəb olan və onlara lazımsız üstünlüklər verən qanunvericiliyə yenidən baxmalıyıq. Sərəncamıma uyğun olaraq ölkədən qanunsuz çıxarılan vəsaitlərin qaytarılması, habelə qanunsuz olaraq özəlləşdirilmiş əmlakın dövlət mülkiyyətinə qaytarılması üçün idarələrarası komissiya yaradılıb”.Bazar günü Qazaxıstanda konstitusiyaya dəyişikliklərlə bağlı referendum keçirilib. Onlara uyğun olaraq dövlət başçısının səlahiyyətləri azaldılır, parlamentin və yerli nümayəndəlik orqanlarının rolu əhəmiyyətli dərəcədə gücləndirilir, insan hüquqları sferası sistemli şəkildə gücləndirilir, Konstitusiya Məhkəməsi yenidən yaradılır, ölüm hökmü qəti şəkildə ləğv edilir.Mərkəzi Referendum Komissiyasının ilkin məlumatlarına görə, vətəndaşların 77,18 faizi konstitusiyaya dəyişikliklərin lehinə səs verib, 68,06 faiz iştirak edib.Seçkilərdə iştirak 50%-lik həddi keçdiyi üçün plebisit etibarlı elan edilib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rossiya Segodnya“
2022
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
qazaxıstan, referendum, kasım-jomart tokayev, müraciət
qazaxıstan, referendum, kasım-jomart tokayev, müraciət
Hakimiyyət iqtisadiyyatda şəffaf və ədalətli oyun qaydalarını formalaşdıracaq - Tokayev
Qazaxıstanda konstitusiyaya dəyişikliklərlə bağlı referendumun nəticələrinə uyğun olaraq dövlət başçısının səlahiyyətləri azaldılır, Konstitusiya Məhkəməsi yenidən yaradılır, ölüm hökmü qəti şəkildə ləğv edilir.
BAKI, 6 iyun - Sputnik. "Qazaxıstan Konstitusiyasına dəyişikliklərlə bağlı iyunun 5-də keçirilən referendumda vətəndaşların yüksək fəallığı cəmiyyətin yetkinliyinin göstəricisi oldu". TASS xəbər verir ki, bunu bazar ertəsi Qazaxıstan prezidenti Qasım-Jomart Tokayev xalqa müraciətində deyib.
“Referendum ölkəmizin tarixində mühüm mərhələ oldu, millətin birliyini və real dəyişikliklərə hazır olduğunu göstərdi. Seçkilərin yüksək səviyyədə olması cəmiyyətimizin yetkinliyinin və məsuliyyətinin göstəricisi idi. Mən seçki məntəqəsinə gələn və ölkədə başlanan islahatları dəstəkləyən hər kəsə təşəkkür edirəm”, - deyə Tokayev bildirib.
Onun sözlərinə görə, əsas qanuna dəyişikliklər son mərhələ deyil, islahatların yalnız başlanğıcıdır.
"Biz ölkənin hərtərəfli modernləşdirilməsini davam etdirəcəyik. Yenilənmiş konstitusiya əsasında biz bütün hakimiyyət institutlarının fəaliyyəti üçün daha səmərəli model yaradacağıq, onlar arasında nəzarət və tarazlıq mexanizmlərini gücləndirəcəyik", - deyə Qazaxıstan prezidenti izah edib.
Prezident bildirib ki, Qazaxıstan hakimiyyəti iqtisadiyyatda şəffaf və ədalətli oyun qaydalarını formalaşdırmaq niyyətindədir:
"Ardıcıl siyasi islahatlar milli iqtisadiyyatın inkişafına və milli sahibkarlığın güclənməsinə kömək edəcək. İndi biz iqtisadiyyatda şəffaf və ədalətli oyun qaydalarını formalaşdırmalı, qanunvericilikdə islahatlar aparmalıyıq. Bütün süni inhisarçılığın kökünü kəsmək və korrupsiyaya qarşı etibarlı sədd çəkmək vacibdir".
Onun sözlərinə görə, iqtisadiyyatın həqiqətən şaxələndirilməsi üçün görüləsi işlər çoxdur. Yüksək məhsuldar kənd təsərrüfatının, güclü nəqliyyat və logistika sisteminin inkişafı, hər yerdə rəqəmsal ekosistemin formalaşdırılması üçün tədbirlər görmək lazımdır:
“Biz ölkənin iqtisadi resurslarının dar bir qrup insanların əlində cəmləşməsinə səbəb olan və onlara lazımsız üstünlüklər verən qanunvericiliyə yenidən baxmalıyıq. Sərəncamıma uyğun olaraq ölkədən qanunsuz çıxarılan vəsaitlərin qaytarılması, habelə qanunsuz olaraq özəlləşdirilmiş əmlakın dövlət mülkiyyətinə qaytarılması üçün idarələrarası komissiya yaradılıb”.
Bazar günü Qazaxıstanda konstitusiyaya dəyişikliklərlə bağlı referendum keçirilib. Onlara uyğun olaraq dövlət başçısının səlahiyyətləri azaldılır, parlamentin və yerli nümayəndəlik orqanlarının rolu əhəmiyyətli dərəcədə gücləndirilir, insan hüquqları sferası sistemli şəkildə gücləndirilir, Konstitusiya Məhkəməsi yenidən yaradılır, ölüm hökmü qəti şəkildə ləğv edilir.
Mərkəzi Referendum Komissiyasının ilkin məlumatlarına görə, vətəndaşların 77,18 faizi konstitusiyaya dəyişikliklərin lehinə səs verib, 68,06 faiz iştirak edib.
Seçkilərdə iştirak 50%-lik həddi keçdiyi üçün plebisit etibarlı elan edilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
