Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Qazaxıstan Konstitusiyasına əlavə və dəyişikliklərlə bağlı referendum Bakıda da keçirilir

© AFP 2022 / VYACHESLAV OSELEDKOQazaxıstanda seçkilər, arxiv şəkli
Qazaxıstanda seçkilər, arxiv şəkli - Sputnik Azərbaycan, 1920, 05.06.2022
Xəbərlərə abunə olun
Yandex newsTelegram
Qazaxıstanlılar dövlət başçısının səlahiyyətlərinin azaldılmasına, parlamentin və yerli nümayəndəlik orqanlarının rolunun gücləndirilməsinə səs verirlər.
BAKI, 5 iyun - Sputnik. Azərbaycan ərazisində daimi və ya müvəqqəti yaşayan Qazaxıstan vətəndaşları ölkə Konstitusiyasına əlavə və dəyişikliklərlə bağlı referendumda səs verirlər. Bazar günü, iyunun 5-də Qazaxıstan səfirliyində Nəcəfqulu Rəfiyev, 14 ünvanında 262 saylı seçki məntəqəsi fəaliyyət göstərir.
Qazaxıstan vətəndaşları saat 7.00-dan 20.00-dək seçki məntəqəsində səs verə bilərlər.
Qazaxıstanın hər bir yetkin vətəndaşı referendumda iştirak edə bilər.
Qazaxıstan Respublikasının Mərkəzi Referendum Komissiyası MDB PAA-dan olan müşahidəçilər qrupunun 57 üzvünü akkreditə edib.
Onların arasında Azərbaycan, Ermənistan, Belarus, Qırğızıstan, Rusiya, Tacikistan və Özbəkistanın deputatları və senatorları da var.
Qrupun tərkibinə MDB PA Şurası Katibliyinin əməkdaşları və MDB PA-nın Üzv Dövlətlərinin Demokratiyanın, Parlamentarizmin və Vətəndaşların Seçki Hüquqlarına əməl olunmasının İnkişafının Monitorinqi üzrə Beynəlxalq İnstitutun (MDB PA MDB) ekspertləri də daxil idi.
MDB PPA-dan olan beynəlxalq müşahidəçilər Nur-Sultan və Qazaxıstan Respublikasının vilayətlərində, eləcə də xaricdəki seçki məntəqələrində monitorinqlər aparacaqlar.
Beynəlxalq müşahidəçilər ölkənin Xarici İşlər Nazirliyinin dəvəti ilə Qazaxıstan Respublikasının Konstitusiyasına əlavə və dəyişikliklərlə bağlı referendumu izləyəcəklər.
Azərbaycan Respublikası Milli Məclisinin Aqrar siyasət komitəsinin sədr müavini Sabir Hacıyev MDB PA-dan olan müşahidəçilər qrupunun əlaqələndiricisi təyin edilib.
Xatırladaq ki, aprelin 29-da Qazaxıstan lideri Kasım-Jomart Tokayev Xalq Assambleyasının sessiyasında çıxışı zamanı Konstitusiyaya dəyişikliklərlə bağlı referendum keçirilməsini təklif etmişdi.
Dəyişikliklər dövlət başçısının səlahiyyətlərinin azaldılması, parlamentin və yerli nümayəndəlik orqanlarının rolunun gücləndirilməsi, Konstitusiya Məhkəməsinin bərpası, habelə birinci prezident Nursultan Nazarbayevin statusu ilə bağlı müddəaların aradan qaldırılması məsələlərini əhatə edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0